Ribadeo, 30 de abril de 2013. Hai unha semana que a comisión pro residencia da terceira idade en Ribadeo solicitou unha entrevista coa conselleira Beatriz Mato, despois de estudar e analizar a proposta realizada no seu día pola Xunta. A comisión está a traballar e a pretender o mellor para Ribadeo, segundo o alcalde, Fernando Suárez, que engade que “chegou o momento de ver o grao de compromiso do goberno autonómico con esta demanda tan importante para o noso concello”.
O rexedor sinalou que “desde o Concello de Ribadeo, concretamente desde a comisión que está traballando por unha residencia para maiores en Ribadeo estamos agardando a que a Xunta nos reciba novamente, dado que xa a semana pasada solicitamos entrevista coa conselleira de Traballo e Benestar, tal e como nos comprometéramos nunha xuntanza anterior celebrada hai varios meses, onde ela nos dera unha proposta. Despois de analizala e estudala estamos en condicións de volvernos a xuntar con ela”.
Fernando Suárez indicou que “en todo este tempo a comisión estivo e está traballando e cónstame que todos os representantes dela, de todas as formacións políticas con presenza na Corporación Municipal e máis da plataforma de asociacións de veciños, estamos a pretender o mellor para Ribadeo e que en definitiva que Ribadeo teña unha residencia de maiores. Eu creo que con tres pretensións: primeiro, que sexa en Ribadeo, pero non menos importante que sexa preferentemente para os veciños e veciñas de Ribadeo; e en último lugar, pero tampouco menos importante, que sexa a prezos asumibles para as súas pensións, que en Ribadeo non son desgraciadamente demasiado altas”.
O alcalde considera que “é por iso importante para Ribadeo que se celebre canto antes esta xuntanza para saber de primeira man o grao de compromiso real da Xunta con Ribadeo, porque vemos que o tempo vai pasando, as circunstancias socioeconómicas para todos e tamén para as administracións que poidan estar implicadas seguramente cada vez van ir a peor. Polo tanto se hai interese real é hora de ir poñendo xa os compromisos enriba da mesa”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
