Ribadeo, 7 de mayo de 2013. As rúas de Ribadeo enchéronse de flores o pasado domingo para agasallar ás nais. En total, repartíronse 2.300 cravos. A directiva da Asociación de Comerciantes, Industriais, Servizos e Autónomos fai un balance moi positivo da iniciativa “que levamos organizando varios anos e que gusta moito. Tivemos a sorte ademais de contar cun tempo fantástico este ano, co que o día da nai foi marabilloso”.
ACISA tamén pon en xogo 600 euros en vales de compra. O sorteo terá lugar mañá pola tarde nas súas instalacións na Avenida de Galicia, 20. O primeiro premio está dotado con 300 euros, o segundo con 200 euros e o terceiro con 100 euros. Todas as persoas que realizasen as súas compras do Día da Nai no comercio asociado de Ribadeo cubriron as papeletas que lles entregaron cos seus datos. “Mañá mércores todas estarán nunha urna desde a que unha man inocente extraerá as tres afortunadas”, explican desde a directiva.
Expovacaciones
A Asociación de Comerciantes, Industriais, Servizos e Autónomos está moi satisfeita de acudir a Bilbao á feira de turismo Expovacaciones. A xerente de ACISA, Beatriz Irigoyen, sinalou que “centos de persoas se acercaron ó stand de Ribadeo, co que acudimos desde a asociación e desde o Concello, a solicitar información de hoteis, restaurantes, de cousas que facer en Ribadeo, de lugares que visitar… Foron catro días moi intensos nos que intentamos dar a coñecer toda a nosa riqueza entre os vascos e os cántabros”. Irigoyen engade que “Ribadeo non é descoñecido para eles e moitos nos comentaron que teñen intención de viaxar a esta zona en fin de semana ou nalgunha ponte, que é o que realmente perseguimos acudindo a estas feiras, tanto a Bilbao coma a Valladolid, que as súas xentes poidan visitarnos en calquera época do ano, non só durante o verán”.
Entre todas aquelas persoas que pasaron polo stand de Ribadeo do 2 ó 5 de maio sorteáronse varias estancias de hotel e 200 euros en vales de compra de ACISA para que os afortunados poidan gastar no comercio ou na hostalería local no momento en que decidan achegarse á localidade.
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
