Cervo, 8 de maio de 2013-A Casa da Cultura de San Cibrao acollerá o Curso de Oceanografía aplicada ao surf nivel 2. Trátase dunha actividade que lle dá continuidade ao curso iniciado hai unhas semanas organizado polo Club Limosa Surf e impartido polo surfista Tony Butt.
Esta segunda xornada, de nivel avanzado, xurdiu de forma espontánea o mesmo día do curso de iniciación despois de comprobar a aceptación e a motivación dos asistentes, así como as súas ganas de ampliar coñecementos e seguir aprendendo da man do surfista inglés Tony Butt, descubridor de grandes ondas da costa galega, licenciado en Ciencias do Mar e doutor en Física Oceánica pola Universidade británica de Plymouth, escritor do libro “Surf Science” e colaborador de revistas e outras publicacións.
Deste xeito, o próximo sábado as persoas asistentes ao curso poderán afondar nos coñecementos adquiridos na anterior edición no que será unha xornada máis técnica e especializada. Neste caso moitos dos alumnos serán participantes da anterior edición aínda que está aberto ao público en xeral, sempre que estea interesado en saber máis sobre o mar, a xeración das ondas e a súa dinámica, e outros moitos contidos relacionados coa práctica do surf.
As persoas interesadas en apuntarse deben saber que hai prazas limitadas e a inscrición realizarase chamando ao 687 28 64 19 ou a través do correo electrónico limosasurf@gmail.com . Unha actividade na que colabora o Concello de Cervo así como Fundación Alcoa e o pub Nordeste. O edil de Deportes, Luis Guillén, asegura que “este segundo nivel do Curso de Oceanografía demostra que a iniciativa está sendo un éxito”. O edil explica que o anterior curso de iniciación “fora dinámico e didáctico ao mesmo tempo, polo que as posibilidades de repetir eran moitas”. Ademais, Guillén destaca a utilidade desta acción para os practicantes de surf, xa que “lles axuda a coñecer mellor o medio no que se desenvolve o seu deporte ou a interpretar as predicións meteorolóxicas relacionadas co mar e coas ondas”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
