– Os equipos traballan en estradas dos concellos mariñáns de Burela, Cervo e Riotorto; ademais de Vilalba, O Corgo, Cospeito, Castroverde, Navia de Suarna, Pedrafita, As Nogais e Quiroga, tras completar os traballos nos municipios da Pontenova e Ribas de Sil.
– A Deputación destina 5 millóns de euros ás tarefas de bacheo da rede viaria provincial, a máis extensa de España con máis de 4.200 quilómetros, que consisten no acondicionamento con rego asfáltico de todos e cada un dos puntos que o necesiten .
O dispositivo do Plan de Rebacheo que activou a Deputación de Lugo para arranxar as estradas provinciais dos 67 Concellos lucenses está a traballar na actualidade de maneira simultánea en vías de 11 municipios pertencentes ás 8 zonas nas que o organismo provincial ten dividida a conservación da rede viaria provincial, que, con máis de 4.200 quilómetros, é a máis extensa de toda España.
Os 50 operarios e 32 máquinas que compoñen o operativo, coordinado por 16 capataces e vixilantes, está hoxe mobilizado en estradas de Burela, Cervo, Vilalba, Riotorto, O Corgo, Cospeito, Castroverde, Navia de Suarna, Pedrafita, As Nogais e Quiroga, tras completar xa as actuacións na Pontenova e Ribas de Sil. Unha vez finalizadas as obras nestas localidades, os equipos desprazaranse polo resto das vías provinciais ata deixar en perfectas condicións toda a rede de estradas.
A Deputación destina máis de 5 millóns de euros ás tarefas de bacheo, que consisten no acondicionamento con rego asfáltico de todos e cada un dos puntos que o necesitan. Os traballos, que comezaron hai dúas semanas, atenden ás necesidades recompiladas polos técnicos provinciais e tamén ás solicitudes veciñais.
Intervirase en 3.200 quilómetros
En 5 anos, o Goberno provincial multiplicou por 10 o número de quilómetros con aglomerado en quente, e hoxe son 1.000 os que contan con este material. Tendo en conta que esta superficie está en boas condicións, o número final de quilómetros sobre os que se intervirá co Plan de Rebacheo é de 3.200.
Os traballos acométense con cargo ó Plan de Conservación de Estradas 2013, a través do que a Deputación está a actuar no 100% das vías provinciais. Para garantir unha atención rápida e eficaz ós veciños e aforrar custes, a institución luguesa dividiu a rede viaria provincial en 8 zonas.
Sinalización e balizamento
Ademais de aglomerar en quente 1.000 quilómetros, o Executivo provincial acometeu dende a súa chegada á Deputación outras importantes melloras nas estradas da súa competencia, como a sinalización e balizamento das vías dos 67 Concellos lucenses. Entre outras actuacións:
– Colocou máis de 3.400 sinais (entre circulares, triangulares e stop).
– Un milleiro de paneis direccionais, para alertar da presenza de curvas perigosas.
– Máis de 400 balizas de neve, moi necesarias en estradas de alta montaña.
– Sinalizou mediante hitos quilométricos todas as estradas da rede provincial, coa súa denominación. En total, colocou máis de 4.000 unidades.
– Instalou cerca de 13.000 metros de barreiras de seguridade e máis de 4.700 metros de proteccións de seguridade para motoristas.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
