O certame convocado pola concellería de Medio Ambiente e a Confraría de Pescadores vai dirixido ós nenos e nenas de primaria e como premio entregarase un lote de material educativo sobre o mar para o mellor relato de cada unha das tres categorías establecidas.
Burela, 10 de maio de 2013. A Concellería de Medio Ambiente e a Confraría de Pescadores de Burela convocan o I Certame de Relato Curto para conmemorar o Día Mundial dos Océanos que se celebra o vindeiro 8 de xuño.
O certame está dirixido aos nenos e nenas dos colexios de Burela, que cursan educación primaria. Establécense varias categorías, unha para os nenos de 1º e 2º ciclo de primaria, que terán que explicar nun relato curto Por qué me gusta o mar, e outra para o alumnos de 3º ciclo de primaria, que deberán relatar Qué poido facer eu para conservar a riqueza mariña.
Os interesados en participar poden presentar os seus traballos ata o vindeiro 24 de maio nas dependencias da Biblioteca Pública Municipal. As obras presentaranse baixo seudónimo e xunto con elas adxuntarase un sobre pechado que no exterior debe incluír o seudónimo e o título da obra, o no seu interior debe levar o nome, idade, domicilio e teléfono de contacto do autor.
A entrega de premios terá lugar o día 6 de xuño no salón de actos da Confraría de Pescadores de Burela. Haberá un lote de material educativo sobre o mar para o mellor relato de cada unha das tres categorías: 1º ciclo de primaria, 2º ciclo de primaria e 3º ciclo de primaria.
A concelleira de Medio Ambiente, Patricia López Eijo, sinalou que “o Día Mundial dos Océanos é unha boa ocasión para celebrar este tesouro común que fai que a terra sexa un lugar habitable para o ser humano, posto que os océanos axudan a regular o clima e o tempo e proporcionan osíxeno e alimentos, así coma outros efectos beneficiosos para o medio ambiente e para sociedade e a economía en xeral.”
López Eijo e o patrón maior da Confraría de Pescadores de Burela, Basilio Otero, subliñaron que “a finalidade deste certame é que os rapaces reflexionen sobre a importancia que ten o mar nas súas vidas e como as súas actuacións teñen repercusións na riqueza mariña. As bases estarán na Biblioteca Pública Municipal de Burela, e os interesados/as en participar poderán obter máis información na oficina de Medio Ambiente de Burela e no arquivo histórico da Confraría”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
