Este pasado xoves, día 9, o programa “Parolando”, da Radio Valadouro estivo dedicado, no seu coloquio final, ó tema da maternidade, co gallo da celebración o pasado domingo día 5 do Día da Nai. Varias asociacións relacionadas coas nais estiveron presentes no debate. Para empezar, asistiron pola asociación “Bico de Leite” Beni Martínez (matrona que foi antes do Hospital da Costa e que agora traballa en Vilalba) e Iria Barro; asistiu tamén Carmela Martínez Geada, nai embarzazada de 29 semanas); por parte da asociación “Redmadre” de Lugo asistiu Rosa María Cruz, a súa presidenta; tamén interviu por teléfono Pilar Castellanos, Presidenta da asociación “Madres Solteras por Elección”. Antes do coloquio houbo as seccións habituais: Pepe de Xermán e as súas curiosidades; a sección de Xuventude, na que Claudia Pena (que debutaba como presentadora) entrevistou a David Martínez, organizador do Km0 Surf Camp; na sección de “O desván” Matías Nicieza entrevistou ós escritores Matías Escalera e Obdulia Méndez Regal.
“Maternidade” en Radio Valadouro
Relacionado
-
0 programa de promoción de produtos de razas autóctonas ‘Un gusto de rural, un rural degusto’ da Vicepresidencia da Deputacióm estivo presente no Mercadiño no Outono, organizado este domingo polo Concello de Barreiros
-
Dende o martes 13 e ata o venres, 16 de outubro, ambos incluídos, permanecerán cortados ao tráfico varios treitos da estrada provincial LU-P-2601 debido ao inicio dos traballos de aglomerado en quente nesta vía que comunica Xove co Portiño de Morás
-
A Deputación abriu o prazo do IX Concurso de Fotografía polo 20 aniversario da Reserva da Biosfera dos Ancares Lucenses, con premios de 800, 500 e 300 euros para imaxes que reflictan a riqueza natural e cultural do territorio
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
