Vilalba (Lugo), 13 de maio de 2013.- O presidente do Goberno galego, Alberto Núñez Feijóo, destacou hoxe que apostar pola eficiencia do gasto e pola solvencia das contas públicas permitirá a Galicia incrementar nestes oito anos en preto de 7.000 as novas prazas públicas de escolas infantís. “Temos o compromiso e a determinación de manter os servizos públicos fronte á crise priorizando as necesidades, e estamos sendo capaces de abrir novos hospitais, novas escolas infantís e novos centros de saúde. En definitiva, conservar, manter e ampliar os servizos públicos esenciais; e, se na anterior lexislatura puxemos a disposición 3.000 novas prazas públicas de escolas infantís, nesta que acabamos de empezar poñeremos a disposición outras 3.500”, aseverou.
Destas 3.500 novas prazas públicas, Feijóo precisou que neste momento 2.000 están planificadas e asinadas en convenios, “e estamos en condicións de finalizar 700 delas en 2013”, apuntou.
Durante unha visita ás instalacións da escola infantil de Vilalba, o titular da Xunta precisou que en Lugo, nesta lexislatura, incrementaranse un 10 por cento as prazas en escolas infantís, distribuídas entre os concellos de Burela, O Corgo, Guntín, Meira e Lugo cidade. E, en concreto, adiantou que as novas escolas públicas de 0 a 3 anos de Guntín e Meira estarán rematadas antes de que finalice o ano.
O presidente do Executivo autonómico destacou o esforzo que está a facer a Xunta para, a pesar da crise, mellorar a dotación dun servizo esencial co obxectivo de acadar unha mellor conciliación da vida familiar e laboral. E, nesta liña, incidiu en que nestes catro anos de crise puxéronse a disposición dos pais galegos arredor de 3.000 prazas públicas de escolas infantís, un 55 por cento máis que en época de bonanza. No caso da provincia de Lugo pasouse de menos de 700 prazas públicas a máis de 1.000, un incremento do 39 por cento.
No tocante ao mantemento dos servizos públicos, Feijóo recordou que na actualidade Galicia conta cun total de 19.000 prazas de escolas infantís entre públicas e financiadas con fondos públicos, “e só nesta provincia destinamos preto de 4 millóns de euros ao seu mantemento”, detallou.
Por último, o titular da Xunta reiterou o compromiso da Administración autonómica co Plan para a dinamización demográfica de Galicia 2012-2015, así como a vontade de seguir traballando a través do diálogo e a colaboración cos concellos, “detectando as necesidades obxectivas, priorizando esas necesidades, e traballando man a man para acadalas”, concluíu.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.