Lourenzá, 21 de maio de 2013. A charla informativa organizada para este mes de maio polo Concello de Lourenzá dedicarase ás sociedades de fomento forestal. Será o vindeiro luns, día 27, ás 21 horas no salón de actos da Casa do Concello.
A alcaldesa de Lourenzá, Emma Álvarez Chao, anunciou hoxe que “mes a mes facemos charlas informativas de distintos temas de actualidade e de interese para os veciños e veciñas de Lourenzá. A deste mes de maio será o próximo luns, día 27, ás 21 horas no salón de actos da Casa do Concello e leva por título As sociedades de fomento forestal: unha nova forma de agrupación da propiedade forestal. Nesta charla intervirán dous relatores: Ramón Rozadillas, que é o xefe de servizo de Montes en Lugo; e tamén Miguel Cela, subdirector xeral de Prevención e Defensa contra Incendios Forestais, da Xunta”.
“Decidímonos a facer esta charla por un simple motivo: vivimos nunha Galicia onde o minifundismo é o que reina no noso agro e sobre todo nos nosos montes, polo tanto é practicamente inviable levar a cabo explotacións forestais rendibles no eido do minifundismo, que temos hoxe en día. Polo tanto con esta nova figura de fomento forestal o que se está a reivindicar é que os propietarios de parcelas forestais se agrupen para que fagan unha xestión conxunta dos seus montes e con isto poidan ter rendementos económicos positivos”, explicou Emma Álvarez.
A rexedora municipal considera que “este é un tema moi interesante para os propietarios forestais. Polo tanto animamos a que veña o maior número posible de donos de montes. Como ven sendo habitual invitamos aos portavoces da oposición e a tódolos presidentes de asociacións de veciños para que fagan esta invitación extensible a todos os seus asociados. E desde o Concello queremos facer un chamamento para que acuda o maior número de xente posible porque hai zonas do concello que poden ser susceptibles de facer unha sociedade de fomento forestal”.
Cambio da festividade de Santa Rita
Os traballadores do Concello de Lourenzá trasladan a festividade de Santa Rita, que se celebra mañá, mércores, ao venres, día 24. Ese día estarán pechadas as dependencias municipais, pero mañá funcionarán con normalidade e co horario habitual.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
