Burela, 24 de maio de 2013. O alcalde, José Mª González Barcia, mantivo esta mañá no Concello unha xuntanza coa delegación da República de Cabo Verde que está en Burela visitando a feira monográfica Expomar. Ao encontro asistiron representantes da administración de Cabo Verde, da autoridade portuaria dese país e dunha fundación de feiras caboverdiana: Antonio Carlos Tabares, Juvino Vieira, Jorge Pimenta Mauricio e Luis Jardoso, ademais de Antonio Basanta, xefe do gabinete da Consellería do Medio Rural e do Mar, Xusto Eijo, un armador burelés que traballa con Cabo Verde, e a xerente da Fundación Expomar, Catalina Sánchez Luengo. O obxectivo desta xuntanza foi “estudar a colaboración que pode haber entre o Concello de Burela e a Fundación Expomar e a República de Cabo Verde para organizar nese país unha feira pesqueira similar á que se celebra en Burela”.
O rexedor explicou que “do que se trata é de busca un ámbito de colaboración e Cabo Verde, o Concello de Burela e a Fundación Expomar xunto co sector pesqueiro e empresarial e mesmo coa Xunta de Galicia. A idea que ten a delegación de Cabo Verde é que desde aquí se preste toda a colaboración posible en base a contactos, axuda técnica… envorcar a experiencia que temos nós como organizadores de feiras pesqueiras cara Cabo Verde”. González Barcia dixo que “ese é un país que está despegando economicamente polo que precisan de axuda e colaboración externa. De feito mediante un crédito FAD están a facer o porto de Mindelo, e alí queren buscar un fórmula de xestión privada. A nós parécenos interesante que Burela poida estar presente en Cabo Verde”.
Para o alcalde burelés “esta é unha fórmula máis de colaboración e de irmanamento entre o Concello de Burela e Cabo Verde. Non hai que esquecer que en Burela viven moitos caboverdianos desde mediados da década dos 70, hai aproximadamente 40 anos, e loxicamente interésanos moito poder colaborar co noso sector pesqueiro que faena en augas de Cabo Verde e que fai base naquel país”.
González Barcia entende que “como primeira toma de contacto hai que valorala de forma moi positiva. Esta primeira aproximación haberá que concretala. Xa lles plantexou claramente que a situación económica que hai en España non nos permite grandes alardes en canto a inversión directa nin do Concello nin de Expomar en Cabo Verde, pero esa colaboración pasar por exemplo por establecer unha especie de asesoría técnica para que desde aquí se lles brinde a eles todo o apoio que precisen. O de hoxe foi un primeiro achegamento e confiemos en que se concrete. Non me aventuro a facer pronósticos porque haberá que falar dos distintos intereses das partes implicadas e poñelos de acordo, aínda que en principio a intención nosa sí é a de colaborar coa República de Cabo Verde para potenciar unha feira pesqueira alí, poñela en marcha e dinamizala”.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
