Burela, 27 de maio de 2013. O Concello de Burela, a través da delegación municipal de Educación, impartirá no vindeiro mes de xuño tres novos cursos de informática que se desenvolverán na aula da Rede de Centros para a Modernización e Inclusión Tecnolóxica (CeMIT) da Xunta de Galicia.
O día 5 de xuño, mércores, empezarán dous cursos sobre O uso das redes sociais, nos que se ensinará aos participantes a entender que é unha rede social, así como a darse de alta e a empregar o facebook . Están dirixidos a persoas con coñecementos básicos de internet. Un deles impartirase de 11:00 a 13:00 horas e rematará o día 11 de xuño. O outro será de 16:30 18:30 horas e finalizará o día 12 do mesmo mes.
O terceiro curso será de Mecanografía para adultos e empezará tamén o 5 de xuño. Será impartido de 10 a 11 horas e rematará o día 28 do vindeiro mes. Con esta actividade ensinarse aos participantes a situar as mans no teclado para escribir de forma correcta, a memorizar a situación das teclas empregando para elo o programa libre Klavaro e a sentarse correctamente para non sufrir lesións.
Desde a Concellería de Educación lembran que “os equipos e a internet da aula da Rede CeMIT de Burela poden ser utilizados libremente de 13:00 a 14:00 horas e de 18:30 a 20:00 horas”.
Os interesados en inscribirse ou solicitar máis información sobre as actividades da aula da Rede Cemit poden facelo nas propias dependencias, que están na Casa da Xuventude de Burela (Rúa do Cancelo, 1) ou enviar un correo electrónico ao enderezo cemit.burela@xunta.es.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
