Lugo, 28 de maio de 2013.- Logo da sesión plenaria provincial celebrada esta mañá, os populares manifestaron que queda totalmente demostrado que para o señor Gómez Besteiro nin os mozos nin os concellos son prioritarios.
Elena Candia lamentou a falta de compromiso do señor Besteiro en materia de emprego xuvenil criticando que o presidente da Deputación “esté continuamente recalcando que o seu compromiso é xerar emprego cando feitos coma o de hoxe demostran o contrario”.
Engade a popular, que a falta de compromiso aínda é maior cando a Deputación de Lugo conta cunha delegación dunha área de mocidade. “En coherencia coas súas verbas e dándolle actividade a unha área baleira de contido, pedímoslle que colabore no fomento do emprego xuvenil, tal e como están a facer outras administracións, e polo tanto, que saque unha liña específica de axudas”.
Criticou Candia que a non aceptación desta moción é unha mostra de que a deputación e os seus responsables non cumpren cos obxectivos e promesas que se propoñen e os seus orzamentos quedan en papel mollado.
PARTIDOS XUDICIAIS
Os populares afirmaron que non se coñece a proposta de texto articulado da lei de demarcación e pranta e que o goberno non presentou nin sequera un anteproxecto de Lei.
Foi o deputado, Francisco Balado, o encargado de defender esta proposta, quen dixo que os populares “facemos unha aposta por unha administración de xustiza eficaz e próxima aos cidadáns e pola defensa dos órganos xudiciais existentes en partidos xudiciais provinciais”.
Manifestou Balado que o obxectivo é configurar un modelo de demarcación e pranta equilibrado, racional, adaptado ás características do territorio galego e que, ante todo, garanta o dereito fundamental a tutela xudicial efectiva.
SERVIZOS HULA
O GPP manifestou a aposta polos servizos sanitarios e o compromiso do Goberno Autonómico coa provincia neste eido, afirmando que para os populares o importante son os servizos para os cidadáns lucenses, polo que rexeitan liortas políticas ante asuntos importantes.
O vicevoceiro Fernando Pensado, afirmou que a Consellería de Sanidade ten desenvolvido un esforzo tremendo para dota ao HULA con tódalas instalacións, e para poñelo a funcionar con todo o persoal, xa que é un dos hospitais máis grandes.
Resaltou Pensado que o Departamento de Rocío Mosquera xa ten enviado ao DOUE o anuncio indicativo, “así que nos vindeiros días sairá publicado o inicio da licitación da sala de hemodinámica para cumprir o compromiso de que en torno ao verán esté licitado”- afirmou.
COOPERACIÓN COS CONCELLOS
A voceira do Grupo provincial popular manifestou que a Deputación de Lugo suspende en colaboración cos concellos. Tildou ao Organismo que preside Gómez Besteiro de sectario posto que discrimina aos concellos da provincia en razón da cor política que os goberna.
“Se comparamos a Deputación de Lugo co resto das Deputacións, vemos claramente este sectarismo”- manifestou a popular quen puxo coma exemplo dúas distincións considerables: Outeiro de Rei (concello lucense), de 5.046 habitantes e 133 quilómetros cadrados, recibiu do POS 2012, 14.509,80 euros, mentres que Curtis (concello coruñés) cun número de habitantes similar, incluso algo inferior, 4.159 habitantes e unha extensión de 116,6 quilómetros cadrados, recibiu no 2012, 233.340 euros.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
