Burela, 28 de maio de 2013. O vindeiro xoves, 30 de maio, haberá pleno ordinario no Concello de Burela a partires das 11 da mañá. Na sesión abordaranse varios asuntos: a concesión da medalla de ouro ao Burela FSF, a conta xeral do presuposto municipal de 2012, dous convenios e tamén a ordenanza sobre a utilización de vías de propiedade municipal.
O alcalde, José Mª González Barcia, explicou que “no pleno someterase a aprobación a conta xeral do presuposto municipal de 2012 que presenta un remanente de tesourería de 1.300.000 euros. Tamén se ratificará un convenio asinado polo Concello de cara a facilitar a prestación de traballos para a comunidade a aqueles menores con idades comprendidas entre os 16 e os 18 anos, que teñan sido condenados por sentencia xudicial. Igualmente se ratificará outro convenio para analizar e detectar situacións de exclusión social en actos de desafiuzamentos. Este xa foi aprobado en xunta de goberno, pero hai que dar conta ao pleno. Ademais afecta a tres administracións: xudicial, autonómica e local”.
Na sesión plenaria “tamén se aprobará unha ordenanza sobre a utilización de vías de propiedade municipal, que foi redactada no seno da Mancomunidade de Municipios da Mariña. A mesma conta co respaldo de todos os grupos políticos, de todos os alcaldes e de todos os concelleiros que estamos presentes aquí. Ten como obxectivo fundamental preservar da mellor forma posible as vías forestais, as vías que son de titularidade municipal en zonas rurais”, indicou o rexedor.
González Barcia engadiu que “fora da orde do día se vai a aprobar con carácter de urxencia, tal e como se acordou na comisión informativa de asuntos de pleno, a concesión da medalla de ouro do Concello ao Burela FSF. Se están a iniciar os preparativos do acto, é bastante prematuro dalos a coñecer porque, por respecto á Corporación Municipal, adoptaremos o acordo o xoves e despois será cando rematemos de concretar o contido do acto a celebrar”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
