Foz, 31 de maio de 2013. O alcalde de Foz, o popular Javier Jorge Castiñeira, fixo unha valoración “bastante positiva” do pleno ordinario da corporación municipal celebrado onte, no que foi aprobado o recoñecemento extraxudicial de crédito para pagar facturas pendentes a provedores e a actualización do prezo do servizo de axuda no fogar. Pero a ordenanza para regular as terrazas dos establecementos hostaleiros volveu quedar pendente por iniciativa de PSOE e Unifoz.
O rexedor municipal explicou que despois do pleno da corporación municipal celebrado onte “a valoración do grupo de goberno é bastante positiva, a pesar de que quedou enriba da mesa novamente a ordenanza para as terrazas dos establecementos de hostalería, que se tiña practicamente consensuada con todos os grupos. Chama a atención que no pleno o PSOE e Unifoz volvan deixalo enriba da mesa. A sorpresa xa non foi só Partido Popular senón tamén do propio Bloque, posto que pensábamos que na xunta de portavoces e nas comisións xa tíñamos todo resolto. Trataremos de solucionar estas pequenas discrepancias e levala novamente, por terceira vez, ao próximo pleno, pero é un mes perdido”.
Javier Castiñeira tamén destacou que “en temas de contas estamos satisfeitos, porque se sacou adiante a proposta de recoñecemento extraxudicial de crédito e con isto eses provedores que están pendentes de pago poderán cobrar. É interesante que os grupos actuaran con responsabilidade, o cal lles agradezo. E tamén a proposta de ordenanza fiscal reguladora do prezo público polo servizo de axuda no fogar, que era fundamental actualizala para poder cumprir coa lei 99/2012 de servizos sociais da Xunta de Galicia, posto que estaba en risco o financiamento do servizo de axuda no fogar. Estamos a falar de cerca de 250.000 euros. Polo tanto, satisfacción tamén posto que hai que actualizarse antes do mes de setembro”.
O alcalde comentou ademais que “saíu adiante tamén a ordenanza que regula o aproveitamento especial das vías públicas, sobre todo para explotacións madeireiras, tal e como se fixo en Ribadeo e en Lourenzá. Agora en Foz sacaremos a exposición pública esta ordenanza tamén para tela o antes posible en vigor. Polo demais tratáronse diferentes mocións dos grupos municipais nas que houbo bastante acordo. Foi un pleno interesante e a pesar de que non se sacou adiante a ordenanza da ocupación de vía pública coas terrazas teño confianza en que no próximo pleno vaia”.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
