Ao fío dunhas acusacións vertidas polo caudilliño provincial do PP, Balseiro, vémonos na necesidade de lembrar que no Valadouro só houbo dúas estafas: Os 25 anos de desgobernos populares e máis a patada que lle deu Balseiro a Lamela aconsellándolle unha manobra suicida.
Dende o BNG non o descualificamos como el afirma, só o cualificamos, é dicir, exteriorizamos as súas cualidades, témolo doado, xa que neste seu Valadouro natal é ben coñecido o seu efémero currículo académico. Cuestión que non tería maior importancia de non ir unida a un personaxe cunhas aspiracións que lle veñen grandes, e que acusa aos demais de tontos como se tivese unha mente privilexiada.
Dende a Asemblea Local do BNG non podemos facer máis que congratularnos por ter axudado a desprazar do goberno local do Valadouro a un partido altamente pernicioso para o progreso e o avanzo social do noso concello.
Por outra banda e ante o pleno de venres 31 queremos manifestar:
Na orde do día figura unha moción presentada polo noso grupo municipal na que demandamos o arranxo e mantemento das pistas forestais. Despois de presentada a ordenanza da Mancomunidade de Municipios da Mariña –aprobada por todos os grupos con presenza no devandito foro-, estamos dispostos a retirar a nosa moción coa condición de que o Concello do Valadouro se comprometa a aprobar a devandita ordenanza á maior brevidade posíbel. Cremos que con esta ordenanza que xa está aprobada en boa parte dos concellos da Mariña, cúmprese a necesaria compatibilidade entre o interese público e privado. Dende o BNG non entendemos como hai voces que fan manifestacións a prol dos intereses de empresas que ameazan con baixar o prezo da madeira se son obrigadas a arranxar os desperfectos, obviando que os devanditos viais foron feitos e mantidos con diñeiro público. Estamos falando dunha ordenanza que tenta compatibilizar ambos intereses. Rexeitar a moción da Mancomunidade significa poñerse do lado dos empresarios sen ética ou seguidores das malas prácticas, afortunadamente minoritarios no sector.
ASEMBLEA LOCAL DO BNG ALFOZ-VALADOURO
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
