Unha representación de 40 alcaldes, alcaldesas, voceiros e voceiras do PSdeG na provincia de Lugo, encabezada polo presidente da Deputación e secretario xeral, José Ramón Gómez Besteiro, presentaron esta mañá na sede do partido o manifesto ‘Non somos cidadáns de segunda’, no que reclaman os servizos de Hemodinámica as 24 horas, Radioterapia e Medicina Nuclear para o HULA, ademais dunha sanidade pública de calidade na provincia. O documento, que asinan todos os cargos e voceiros socialistas, será introducido no rexistro da Xunta “para coñecemento do seu presidente, e para que as reclamacións multitudinarias dos e das profesionais da sanidade e dos veciños e veciñas de Lugo sexan tratadas como o que deben ser: unha prioridade para o Goberno galego”, segundo anunciou Gómez Besteiro.
O secretario xeral dos socialistas en Lugo leu o manifesto, que incide nunha asistencia “adecuada e eficaz” e que sexa “igualitaria con respecto a outras provincias galegas” para que “Galicia deixe de ter dúas velocidades”. Gómez Besteiro apelou á “vontade política” dos responsables da Xunta para cumprir coas dotacións que Lugo precisa. Moitas delas, lembrou, xa comprometidas co anterior goberno autonómico. Para isto, pediu que a Xunta actúe “por riba de motivos ideolóxicos, por diante de criterios de calculadora e coa mirada autónoma e independente que debe ter o Goberno de Galicia” que, afirmou, “nun problema destas características non pode escudarse en decisións tomadas desde Madrid nin en Consellos Interterritoriais, senón na realidade e as necesidades propias da poboación”.
O socialista incidiu na esixencia de Hemodinámica as 24 horas no HULA. “Non podemos permitir que o tempo de atención medio para realizar un cateterismo en caso de infarto sexa de case 180 minutos para os e as lucenses, cando os expertos din que despois de 120 minutos os danos poden ser irreversibles e o risco de morte é ata do triple”, afirmou. Tamén destacou a necesidade da Radioterapia. “Non podemos consentir que 600 lucenses teñan que trasladarse cada ano a outra provincia para recibir o seu tratamento contra o cancro nunhas condicións que afectan ao enfermo e aos seus familiares”, dixo. En canto á Medicina Nuclear, asegurou que “un hospital de referencia non pode quedar atrás na diagnose de enfermedades e non debe renunciar a darlle seguridade e unha atención de calidade aos veciños e veciñas”.
Área integrada e melloras nos hospitais
No manifesto asinado hoxe, os socialistas lembran ademais que estarán “vixiantes tras os pasos dados” coa xestión integrada única. “Non a compartimos, por supoñer a eliminación da independencia e a autonomía orzamentaria das áreas da Mariña e Lemos, e por abrir a porta da privatización e a centralización de servizos co progresivo abandono das zonas rurais”, din. Asimesmo, destacan “os compromisos incumpridos por parte da Xunta de Galicia en materia de sanidade na provincia, como a dotación dos edificios do antigo Hospital Xeral ou as melloras e investimentos nos hospitais comarcais de Burela e Monforte”.
Manifestación do xoves
Pola súa banda o alcalde de Lugo, José Clemente López Orozco, que falou en nome dos alcaldes e voceiros, destacou que os e as lucenses “teñen os mesmos dereitos e deberes que o resto de Galicia e España, e non son de segunda”, polo que lanzou unha mensaxe aos dirixentes do PP: “A Lugo hai que vir cando hai necesidades, e non só para recoller os votos”, dixo, antes de “animar a todos e todas a estar na manifestación vecinal” deste xoves día 6, xa que teñen dereito a “esixir o que é de xustiza”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
