O voceiro provincial socialista, Manuel Martínez, esixiu hoxe ó Partido Popular “desculpas públicas, tanto ó Goberno Provincial como ós veciños da provincia, polas súas reiteradas calumnias” sobre as obras na estrada do Marco de Álvare ás Rodrigas, en Riotorto. Martínez destacou que “é hora de que o fagan logo de desmontar, con documentación oficial desta institución á que o PP ten acceso, as súas mentiras” ó respecto.
O Deputado lembrou que na Xunta de Goberno deste pasado venres deuse conta da liquidación destas actuacións na CP 5501, obtendo un saldo a favor da Deputación de 37.000 euros, que a adxudictaria terá que devolver ó organismo provincial. “O Partido Popular pode solicitar esta documentación oficial porque, a diferencia do que facían eles, este Goberno Provincial si facilita toda a información pública á oposición. Pídana e comproben na súa nova metedura de pata. Non necesitan buscar polas mesas ou papeleiras documentación desta institución”.
E é que o Partido Popular, remarcou Martínez, “empregou borradores técnicos, que collerían de calquera lado, para calumniar a este Goberno Provincial, asegurando que se permitira un desfase nos traballos de Riotorto de 190.000 euros. Fixeron estas graves afirmacións cando nin tan sequera se realizara a liquidación destas actuacións, cando só existían certificacións mensuais e estimatorias que, por lei, se fan de todas as obras. Tras gobernar durante máis de 24 anos, o Partido Popular debería coñecer, perfectamente, o funcionamento desta administración porque, en caso contrario, entendemos que estas calumnias son froito da súa mala fe e non da inexperiencia da súa voceira que, en repetidas ocasións, como por exemplo con Gazeley, fixo mostra dela”.
“Uns facemos obras e outros prométenas”
Martínez salientou que nos vindeiros días a Deputación iniciará o proceso de adxudicación das obras pendentes na vía do Marco de Álvare ás Rodrigas logo de aprobar a resolución do contrato debido ó incumprimento nos prazos de execución por parte da adxudicación que vén de entrar en concurso de acredores. De feito, tamén o pasado venres, a Xunta de Goberno acordou o inicio do proxecto de adxudicación das actuacións que restan por realizar nesta estrada provincial. “Uns facemos obras e outros prométenas. A diferencia do que fixo o Partido Popular, que mentiu ós veciños asegurándolles que ían a mellorar este vial cando non tiñan cartos nin terreos e incluíndo estes traballos no famoso plan dos 50 millóns, este Goberno Provincial garante a súa execución porque temos o orzamento necesario e case 200 fincas expropiadas”. Isto permitirá, remarcou o Deputado, “finalizar uns traballos moi demandados, que se paralizaron de xeito temporal por motivos alleas ó organismo provincial, polo problemas económicos da adxudicataria”.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
