A Asociación Cultural A Pomba do Arco organiza este mes de xuño o 1º Foro de Economía, que terá lugar os vindeiros venres 7, 14 e 21 de xuño no salón de actos do CENIMA de Foz.
Este foro organízase coa vontade de promover un debate social arredor da crise económica e as consecuencias que está a ter no concello de Foz. Efectivamente estamos diante dunha crise de carácter global, mais que presenta unhas características particulares en función dos territorios, por iso queremos achegármonos aos efectos que a mesma está a ter nunha vila coma Foz, que vén a ser extrapolable a vilas semellantes da Mariña.
Neste sentido, queremos facer fincapé nos efectos que a crise dun modelo de desenvolvemento está a ter no sector público na medida en que os recortes que se están levando adiante no mesmo afectan de xeito directo ao poder adquisitivo dos veciños do noso concello xerando empobrecemento. Estamos convencidos de que a crise está a ser usada como coartada para reducir e eliminar servizos no noso concello, dun xeito particular no ensino e na sanidade, e isto é o que trataremos de abordar da man das persoas implicadas nestes sectores a través da charlas-debate que conforman o programa.
PROGRAMA
Venres 7 de xuño – 20:30 horas – CENIMA – “EDUCACIÓN EN FOZ”
Nesta charla-coloquio abordaranse as principais consecuencias para Foz dos recortes en educación realizadas pola Xunta de Galiza, que ademais de suprimir unidades educativas, profesorado ou introducir o pagamento do comedor, na nosa vila tiveron especial incidencia coa supresión de Ciclos Formativos.
Coa participación de:
· Nemesio Rodríguez – Director do IES de Foz
· Abilio Calvo – Representante das ANPAS de Foz
· Xan Carlos Basanta – Representante da CIG Ensino
Venres 14 de xuño – 20:30 horas – CENIMA – “SANIDADE PÚBLICA?”
O feito fundamental de que o mapa de servizos sanitarios de Galiza deixase a Foz sen PAC servirá nesta charla-debate como base da análise para ollar as consecuencias de perda de recursos en servizos sanitarios básicos provocado polos recortes na sanidade pública.
Coa participación de:
· Iago Villamil – Médico no Hospital da Costa
· Vitor Vila – Traballador de Atención Primaria
· Atilano Fernández – Portavoz da Comisión Focega en Defensa da Sanidade
Venres 21 de xuño – 20:30 horas – CENIMA – “O SECTOR FORESTAL”
O noso monte segue a ser a nosa riqueza, mais nosa será mentres saibamos explotala, poñela en valor e xestionala con tino. Galiza conta cuns recursos forestais que non posúen outros países. Nesta charla-coloquio afondarase na situación do sector forestal no noso concello e comarca a través das diversas partes implicadas.
Coa participación de:
· Teresa Rañal – Presidenta de PROMAGAL (Federación de Asociacións de Produtores de Madeira de Galiza)
· Xesús Casavella – Presidente da Comunidade de Montes de Cangas
· Bernardo Valdés – Profesor da USC experto en Economía e Política Agraria
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
