Rematadas as obras de mellora nos accesos ao colexio de Palmeiro en Xove

O antigo colexio de Palmeiro, hoxe reconvertido en edificio de usos múltiples, foi obxecto dunha importante obra coa mellora dos seus accesos. A actuación está rematada e foi visitada e inspeccionada polo alcalde, Demetrio Salgueiro, acompañado polo aparellador municipal do Concello xovense, Benigno Mon.

O acceso a este lugar estaba conformado por un pequeno vial en curva, que discorre ao lado dun terraplén, e con paso para un só vehículo. Así, o Concello preparou un proxecto para mellorar este acceso, denominado “Acondicionamento e mellora dos accesos e entorno do edificio de usos múltiples de Palmeiro”. A obra de desenvolvemento do citado proxecto foille adxudicada á empresa Carferlo S.L. en 30.636´86 €.

A entrada, pola que antes apenas cabía un vehículo, agora ten un mínimo de 6 metros de calzada. Dado que se trata dun vial que corta un terraplén, o vial leva recollida de pluviais, co cal se mellora a seguridade do vial e se evita o deterioro do mesmo. Tamén, e para unha maior seguridade, asegurouse todo o tramo cun quitamedos polo lado do terraplén.
7coleEn conclusión, esta obra permite facer máis cómodo o acceso ás instalacións do colexio e mellorar a seguridade dos usuarios, permitindo o cruce de vehículos e eliminando o perigo de caída polo terraplén.

Esta obra está englobada dentro do Plan Provincial de Obras e Servizos da Deputación de Lugo. A financiación da mesma é a seguinte:

-Aportación do Concello de Xove 17.480,00 euros (57.05%).

-Aportación da Deputación Provincial 13.156,86 euros (42.95%).