O Presidente da Deputación, José Ramón Gómez Besteiro, xunto á Deputada de Deseño e Artesanía, Regina Polín, inaugurou este xoves Gladiadores, heroes da area. Trátase da mostra que o organismo provincial sitúa na Sala de Exposicións do CENTRAD dende hoxe e ata o 21 de xullo, levando máis de 80 pezas que recrean a vida e costume dos gladiadores da antiga Roma. Con esta exposición, a institución participa activamente un ano máis nos actos organizados con motivo do Arde Lvcvs, que terá lugar os días 14, 15 e 16 de xuño, contribuíndo a dar maior contido e potenciar unha celebración que converte a Lugo na capital festiva galega por excelencia.
Gómez Besteiro subliñou que “debemos facer fronte á crise aproveitando as oportunidades económicas, é dicir, potenciando a economía verde, a economía do coñecemento, os empregos brancos ou a cultura, que representa o 2,3% do PIB da nosa provincia. Por este motivo, un ano máis, Deputación e Concello de Lugo suman esforzos na celebración do Arde Lucus, un evento declarado xa Festa de Interese Turístico Galego malia a súa xuventude, capaz de deixar uns beneficios de 10 millóns de euros. O Arde Lucus xera riqueza. Por exemplo, a ocupación hoteleira acada o 100% cando os prezos das habitacións chegan a ser superiores ós dos hoteis de Nueva York”.
Pola súa banda, Regina Polín destacou “a importancia de manter esta colaboración entre institucións, para impulsar unha festividade de atractivo cultural e turístico, que sitúa a Lugo nun lugar de referencia no mapa de España, tal e como o demostra o feito de que 1 millón de persoas, chegadas de todos os puntos do país, participasen en anteriores edicións do Arde Lucus. Seguiremos traballando nesta liña para que o número de visitantes se aumenta ano tras ano, como o fixo ata o de agora”.
Máis de 80 pezas
Gladiadores, heroes da area recrea a vida destes loitadores, ofrecendo ós visitantes ampla información sobre o seu entrenamento, alimentación ou equipamento. Son 80 pezas entre as que se atopan reproduccións das armas ou proteccións que empregaban os gladiadores. Ademais, tamén se inclúen proxeccións que amosan os feros combates destes loitadores.
A exposición permanecerá aberta dende hoxe ata o vindeiro día 21 de xullo. O horario é o seguinte: 10:00 a 14:00 e de 17:00 a 20:00 horas. A entrada é totalmente gratuíta
Colaboracións coa festa
Esta non é a primeira colaboración da institución provincial con esta celebración. O ano pasado ano a Deputación organizou cursos de formación, nos que 200 persoas elaboraron as súas propias vestimentas e complementos, tanto de romanos coma de castrexos, para a festa. Ademais, os artesáns do Obradoiro do Traxe do CENTRAD encargáronse de confeccionar a vestimenta lucida polos personaxes de César e Lisístrata. Tamén ten colaborado con colectivos que participan activamente na celebración. É o caso da Cohors III Lucensium, ós que se lles fixo entrega dun videoclip, elaborado por alumnos e bolseiros da Escola de Imaxe e Son.
Aulas da Terceira Idade
Gómez Besteiro tamén inaugurou hoxe a mostra cos traballos de fin de curso realizados no marco das Aulas da Terceira Idade en Lugo. O titular provincial estivo acompañado pola Presidenta deste colectivo, Conchita Pintos. A exposición, aberta ó público no pavillón 4 do CENTRAD, reúne obras de pintura, cestería, acrílicos ou pezas de reciclaxe, elaboradas polo medio cento de alumnos dos obradoiros celebrados durante este ano por dita asociación.
A proposta combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos. As entradas, cun prezo de 5 euros, poderán adquirirse no despacho de billetes desde unha hora antes do inicio. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
Estes servizos sumaranse aos que xa permanecen abertos habitualmente, como os do parque Pernas Peón. O Día das Tortillas, que se celebra o domingo anterior ao Domingo de Ramos, reúne cada ano a veciños e visitantes en varios espazos do municipio. Con esta medida, o Concello busca facilitar o desfrute da xornada e mellorar a comodidade das persoas asistentes. Desde o Concello de Viveiro lémbrase tamén a importancia de facer un uso responsable das instalacións públicas, de manter limpos os espazos naturais e de respectar as n
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Ambas destacaron o impacto cultural do evento deste sábado en Lugo. A gala, presentada por Trisha Fernández e Federico Pérez, contará con actuacións de Xabier Díaz, Adufeiras de Salitre e Mondra.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
A actividade conta coa colaboración do Concello.
