Os nacionalistas pedirán tamén información formal por escrito sobre o novo deterioro da rúa Apeadeiro, que se atopa levantada por cuarta vez, e interesaranse polas condicións dos profesionais que exercerán de socorristas nas praias do municipio.
O grupo nacionalista interrogará o goberno local no vindeiro debate plenario, previsto para a semana que vén, coa finalidade de coñecer a posición oficial do executivo respecto ao Anteproxecto da Lei de Racionalización e Sustentabilidade da Administración Local aprobado recentemente polo Goberno do PP no Estado. Unha reforma que aborda unha fonda regulación do réxime municipal e pretende mudar de xeito substancial o papel dos concellos, cun maior impacto nos de menor tamaño, como o de Xove. Marco López destacou que “a intención prioritaria desta reforma do réxime local é reducir e adelgazar o ámbito de actuación dos concellos, cun recorte severo dos servizos que prestan e un reforzo da Deputación Provincial”; un organismo que, segundo López, “é o ente máis prescindible da rede institucional actual”.
O BNG tamén se interesará pola multinacional de capital galego, Pescanova, que está atravesando o que parece que é unha profunda crise. Desde a formación nacionalista, dado que esta empresa ten no noso concello unha das súas plantas de cría de rodaballo na que traballa moita xente do municipio e que ademais é unha das empresas que máis se leva beneficiado das axudas do Plan de Emprego Local baixo a denominación Insuíña S.L., queren saber se o actual goberno se ten posto en contacto cos administradores da empresa a nivel local ou galego e cal foi o resultado.
Por último, o portavoz do Bloque instará o goberno municipal a que comece a xestionar a futura substitución dunha das tres prazas de atención primaria a través das que se presta o servizo médico no Centro de Saúde de Xove, debido a que en breve prazo se vai producir unha xubilación. Marco López indicou que “a actividade política debe ir por diante dos hipotéticos problemas que pode sufrir a cidadanía” e advertiu que se a Administración Autonómica non destina de xeito inmediato outro/a profesional a esta vacante, isto implicaría que os outros dous médicos terían que cubrir toda a súa cota tras o reparto dos doentes. Por esta razón, López insistirá ante o pleno municipal na intención de “evitar as consecuencias negativas que se derivarían desta situación nun servizo de primeira necesidade como o sanitario”.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
