O próximo sábado 15 de xuño terá lugar, ás 21.00h no Teatro Pastor Díaz (Rúa Constanza de Castro, 19) de Viveiro, o III CONCERTO MÚSICAS E LETRAS EN FEMININO. O evento, que xa vai pola súa terceira edición e que se está a consolidar como unha das citas culturais anuais máis agardada nesta época do ano na Mariña, segue apostando pola promoción da creación artística das mulleres galegas, tanto das que se achegan ás diferentes artes dunha forma amateur, de desenvolvemento persoal, como daquelas que forman parte de proxectos artísticos profesionais.
Se nas pasadas edicións, celebradas en Mondoñedo e Ribadeo, contouse con grandes da música galega como Ugia Pedreira ou Uxía, para este III concerto que terá lugar en Viveiro contarase coa que se considera a nova artista revelación galega, a cantautora María Xosé Silvar, Sés. Sés, que contará cos seus músicos habituais no directo como Tito Calviño (guitarra), Marcos Pazo (batería) e Fran Sáez (baixo), presentará o seu segundo disco Co xenio destrozado que sae á venda o próximo día 11 e que se presenta oficialmente o venres 7 de xuño en Compostela, polo que o concerto que organiza o Observatorio en Viveiro será o segundo no País da revolucionaria artista.
Despois do éxito do seu primeiro disco, Admirando a condición, un proxecto 100% galego e 100% feminino, Sés presenta desta volta Co xenio destrozado, un traballo feito con orgullo identitario, frescura e vitalidade, que pretende concentrar nunha presa de cancións viscerais e paixonais a potencia do directo. Temas de cantautora vestidos de blues, rock e sons do continente hispanoamericano.
Ademais de Sés, tamén contará este III Músicas e Letras en Feminino coa actuación musical da moza ribadense de dezasete anos Carmen Rodríguez, que nos sorprenderá con diferentes propostas.
Asimesmo, entre as actuacións musicais, rapazas do IES María Sarmiento e Vilar Ponte de Viveiro recitarán diferentes textos poéticos de autoras vinculadas á Mariña, como a viveirense Olalla Cociña, Luz Pozo, Marica Campo, Luísa Castro, Eva Moreda, Carmen Blanco ou Ugia Pedreira.
Dende o Observatorio da Mariña pola Igualdade seguimos a apostar, con este tipo de actividades, por valorar e visibilizar a creación artística – xa sexa profesional ou amateur – das nosas mulleres, neste caso músicas e escritoras. Un evento cultural feminista de referencia, cun formato innovador e cunha sede fixa, A Mariña, na que cada ano unha das vilas se converte tamén en protagonista.
O prezo xeral do bono-axuda-entrada será de 5 euros, 3 euros para o estudantado.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
