José Manuel Lamela.- Quero aproveitar a oportunidade para dirixirme aos lectores e, moi especialmente aos veciños do Valadouro e insistir no agradecemento sincero a todos eles pola oportunidade que tiven durante estes dous últimos anos de ser o seu alcalde. O seu apoio nas urnas fixeron da candidatura do PP, da que son cabeza de lista, a forza política máis votada.
Deben saber que ademais dunha intensa honra –quizá a máis grande que un político pode ter, ser o rexedor do seu municipio de nacemento– intentei desenvolver a responsabilidade de alcalde con absoluta dedicación, con entrega incondicional, moitas veces quitándolle tempo a miña familia. E deixo de ser alcalde coa satisfacción do deber feito, e coa confianza de que o estaba facer para legar un Valadouro mellor.
Eu respecto o xogo de maiorías e asumo a miña próxima responsabilidade liderando unha oposición que non dará tregua, pero que será leal, e que ante todo respecta e asume os principios básicos dunha democracia, que quizá puido verse empañada por pactos alleos á política e condicionamentos de tipo económico que non deixaremos de cuestionar.
Para min, e para os meus compañeiros de partido, aos que tamén quero dar as gracias polo seu apoio, e aos que emprazo a seguir traballando por este concello, o Valadouro sempre foi o primeiro. A razón pola que loitar cada día, o motivo que me levou a comprometerme politicamente e petar na porta das distintas administracións na procura do mellor para os meus veciños.
O novo bipartito recibe un concello saneado, na súa economía e con moitos proxectos que viron a luz. Herdan 360.000€ de remanente de Tesouraría e 150.000€ de superávit. A día de hoxe o nivel de endebedamento municipal é cero, non hai créditos ou débedas pendentes e todas as facturas se pagan aos 30 días. Nestes dous anos promovemos obras como a pista de andadura, a segunda fase do saneamento na parroquia de Moucide -que xa ten cerrada unha terceira fase- ou a remodelación da praza Triana. Queda, só pendente da aprobación final do pleno, o impulso ao noso polígono industrial.
Toca poñer un punto e seguido. Coa esperanza posta no futuro, onde seguiremos traballando e dando a cara por Valadouro. E onde esperamos volver a ter a confianza dos veciños. Que ningún teña dúbidas: este concello é o primeiro e está por riba de persoas, ou pactos. O Valadouro por riba de todo.
José Manuel Lamela
Ex-alcalde do Valadouro
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
