A deputada rexional do PP de Asturias asegura que a nova Lei de Costas ven a poñer orde á caótica situación que ocasionou a anterior normativa de 1988

Vegadeo, 8 de xuño de 2013. A portavoz popular de Medio Ambiente na Xunta Xeral do Principado, Victoria Delgado, asegura que a nova lee de Costas ven a poñer orde á caótica situación que ocasionou a anterior normativa que data de 1988. A deputada rexional dixo en Vegadeo que en Asturias hai 1.195 ocupacións de dominio público marítimo terrestre, das que so 139 contan con licenza de ocupación.

Victoria Delgado sinalou en Vegadeo que “é unha lei que concilia perfectamente a actividade económica coa protección do litoral. Veu facer xustiza e regularizar moitas situacións absolutamente inxustas e bastante lesivas producidas como consecuencia da lei de 1988, que foi moi contestada, incluso chegou ó Tribunal Constitucional e que realmente nunca se aplicou da forma contundente como pretendía facerse”.

Para a deputada rexional do PP “esta lei ven a reforzar a protección do medio ambiente litoral. En Asturias é así ó igual que no resto das comunidades autónomas españolas con costa. A normativa incrementa a seguridade xurídica dos cidadáns e das empresas ligadas co turismo. Polo tanto concilia esta protección do litoral coas actividades económicas e é respetuosa co medio ambiente”.

Delgado indicou que “a nova lei, que modifica a anterior de Costas, beneficia a un total de 550.000 cidadáns cuxas vivendas se encontran en todas as comunidades autónomas do litoral español. En Asturias na actualidade hai 1.195 ocupacións de dominio público marítimo terrestre e delas solo 139 contan con licenza de ocupación. Do total desta cifra hai 118 vivendas con 472 ocupantes”.

A deputada rexional e portavoz de Medio Ambiente na Xunta Xeral do Principal engadiu que “logo na zona de servidume, que é a inmediatamente seguinte á de dominio público marítimo-terrestre, encontrámonos con que en Asturias hai 2.179 viviendas con máis de 8.700 residentes”.

“Polo tanto esta lei ven a poñer orde á caótica situación despregada con ocasión da anterior Lei de Costas e resolve problemas históricos arrastrados durante máis de 25 anos introducindo un sentido común entre a preservación do litoral e a protección dos dereitos dos cidadáns”, manifestou Victoria Delgado na súa comparecencia ante os medios de comunicación en Vegadeo.

Delgado visitou a Feira de Mostras de Vegadeo acompañada da alcaldesa, Begoña Calleja. Miles de persoas acoden durante catro días a este certame que chegou á súa 50 edición.