O Presidente da Deputación, José Ramón Gómez Besteiro, entregou este sábado 8 de xuño os Premios #InLugo, coas que a institución provincial premia iniciativas, persoas ou organizacións que destacan no bo emprego de Internet e as novas tecnoloxías. Entre as preto de 40 candidaturas presentadas, os 5 gañadores destes galardóns foron os seguintes:
1º.- Categoría de Comercio, Ocio e Restauración: Adega Vía Romana de Chantada, pola aplicación das TIC para impulsar a súa actividade vitivinícola; organización e efectividade de accións de marketing en internet, presenza en redes sociais, implantación de códigos QR e dinamización do turismo enolóxico da Ribeira Sacra. A súa web é www.viaromana.es. Recolleu o galardón Óscar González, enólogo da adega xunto coa súa filla.
2º.- Categoría de Educación e Formación, espazo educativo El Faro de los Tres Mundos, pola súa innovación en contidos educativos para incrementar a denominada intelixencia cultural de nenos e mozos, o que implica un valor engadido para o crecemento individual como persoas, xa que supón a interiorización de valores como o respecto á diversidade, a mellora da capacidade creativa, intelectual e física, así como a adquisición de novas competencias como unha maior facultade de colaboración e traballo en equipo. Trátase dunha iniciativa única en España e parte da necesidade de mellorar o coñecemento e formación dos escolares a través da cultura asiática, “unha das culturas máis emerxentes e na vangarda do mundo máis avanzado”. Conta coa páxina www.elfarodelostresmundos.com e o twitter @elfaro3mundos. Recolleron o galardón os tres socios Almudena, Andrés e Susana Barro, e os dous colaboradores, Isabel Rodríguez e Sandra Fernández.
3º.- Categoría de Deporte e Saúde, Colexio Oficial de Farmacéuticos de Lugo, pola súa innovadora páxina web www.coflugo.org que constitúe unha fonte de información sobre saúde fiable, profesional, dinámica e intuitiva, e que busca cubrir as necesidades e inquietudes que poidan ter os pacientes de toda a provincia. O xurado valorou tamén o dinamismo do Colexio de Farmacéuticos en Twitter -@COFLugo-, onde incorporaron códigos QR ós carteis nos que mostran os calendarios das gardas das farmacias, conseguindo deste xeito que os cidadáns poidan consultar os establecementos de garda de Lugo cidade a través do teléfono. Recolleron o galardón a Presidente do Colexio, Ana Prieto, a Vicepresidenta, María José Pardo, e a responsable de técnica do Centro de Información de Medicamento, Berta Pérez.
4º.- O tuitero co pseudónimo Lucense Enfurecido -@LucenseEnfurec- con máis de 4.500 seguidores, na categoría de Cultura e Sociedade, por contar practicamente en directo todo o que ocorre en Lugo, sen perder ningunha nova.
5º.- Categoría de Tecnoloxía, empresa Intelixencia Visual, por ser unha das promotoras do proxecto Una cebra en el agua, que se desenvolve dende o pasado ano en 20 centros educativos galegos e ten como obxectivo espertar novas vocacións científicas nos estudantes de Secundaria de Galicia a través do emprego dunha ferramenta pedagóxica, pioneira a nivel nacional, e o aprendizaxe experimental dentro das aulas, seguindo a corrente metodolóxica de “aprender facendo”. Conta coa web www.inteligenciavisual.com e a conta de Twitter @intelvisual. Recolleron o premio Juan Araujo e Noemí Rodríguez, xerentes.
Un encontro de referencia en Galicia
Gómez Besteiro puxo o peche, deste xeito, ó I Congreso de Cultura Dixital e Redes Sociais, #InLugo, convertido xa nun encontro de referencia en Galicia debido ó seu éxito de convocatoria. Participou a elite nacional de Internet, por exemplo, Sebastián Muriel, director de Desarrollo Corporativo de Tuenti, o espazo web máis importante en España con 13 millóns de usuarios; Mario Tascón, gurú dos medios dixitais e redes sociais, especialista en contidos adaptados a todo tipo de soportes, visualización, xornalismo de datos e novas narrativas; Francisco Polo, director para España de change.org, a maior plataforma de accións social online do mundo; así como outros 25 recoñecidos profesionais do mundo do xornalismo, marketing online, turismo, novas tecnoloxías ou emprego. O alto nivel dos poñentes fixo que persoas de toda España encheran durante dous días o Salón de Actos do Pazo de San Marcos, con capacidade para unhas 200 persoas; que outros centos delas seguisen este congreso en Internet, dende www.deputacionlugo.org, grazas á súa retransmisión en directo que realizaron os alumnos da Fundación Tic; e que milleiros falasen desta iniciativa e da provincia nas principais redes sociais. Así o constatan os datos obxectivos procedentes das analíticas de Internet. Este congreso rexistrou máis de 2.500 tweets co hashtag InLugo, unha audiencia de 700.000 usuarios e 5 millóns de impresións. Ademais, foi un dos temas máis recomendados en Twitter, sendo trending topic a nivel nacional en algúns momentos xunto a Rafa Nadal. En Instagram subíronse preto de 200 fotos que, ademais de falar desta iniciativa, promocionan Lugo. #InLugo foi, en definitiva, un escaparate único para a proxección exterior da provincia.
Aposta pola novas tecnoloxías
A Deputación de Lugo organizou este I Congreso de Cultura Dixital e Redes Sociais dentro da súa aposta pola economía do coñecemento que, xunto á vinculada co sector agrogandeiro e a cooperación cos Concellos, compoñen a columna vertebral do organismo provincial. Con este encontro, financiado nun 80% pola Unión Europea con fondos do proxecto tecnolóxica da institución Innova-TE, o organismo provincial quixo potenciar as novas tecnoloxías na provincia, ó igual que fai coa creación de prazas e xardíns wifi, coa implantación da administración electrónica ou con presupostos participativos, equipamento, formación e asesoramento personalizado a Concellos e empresas.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
