O Parlamento de Galicia recibiu a visita da Fundación Eu Son de Burela

Rapazas e rapaces que forman parte da Fundación “Eu Son” de Burela visitaron esta mañá o Parlamento de Galicia onde tiveron a oportunidade de coñecer as principais estancias da sede do lexislativo galego. Acompañados dos seus monitores foron recibidos polo secretario da Cámara galega, o tamén veciño da Mariña, José Manuel Balseiro, e aproveitaron a súa estancia no Salón de Plenos para facer unha fotogaría de grupo. Estes adultos con necesidades especiais amosáronse encantados coa visita tras coñecer as as salas de reunión dos distintos grupos parlamentarios, o salón dos Reis -onde ten lugar a toma de posesión do Presidente da Xunta e dos altos cargos da comunidade autónoma galega-, o salón de plenos e a biblioteca, que alberga máis de 40.000 exemplares de distintas obras impresas.