Vista a resposta que dende o equipo de “desgoberno” do Partido Popular de Burela se deu á nosa denuncia de irregularidades no uso dos cartos públicos dos veciños e veciñas de Burela, temos que aclarar e rebater certos aspectos da “aclaración” que deu o Sr. Alcalde de Burela no seu afán por, unha vez máis, enganar os veciños e veciñas de Burela. A táctica deste señor de confundir, desviar a atención, terxiversar e mentir, moito nos tememos que de pouco lle vai valer ante os veciños e veciñas, e entendemos este bordo intento por xustificar o inxustificable non fai máis que agrandar a fama de mentireiro e “trilero” que xa ten.
Dende o PSdG-PSOE de Burela queremos aclarar:
1º.- O PSdG-PSOE de Burela non minte xa que temos toda a documentación que pode verificar que o que nos denunciamos é tal e como o contamos, como facemos sempre.
2º.- Sabemos perfectamente que existe o informe de Secretaría ó que se refire o Sr Alcalde, faltaría máis cando ese informe foi solicitado polo Grupo Municipal Socialista. O tema é que non hai un, hai dous informes, un con fecha 26 de marzo, que posteriormente houbo que rectificar porque non coincidían as cantidades que figuraban en dito informe cós datos que figuraban nos decretos, o que fixo que houbera que solicitar outro que se entregou con fecha 25 de abril, ó estarse facendo unha contabilidade de dito negocio unha parte polo seu nome comercial e outra polo nome da titular do negocio. O primeiro informe era por unha cantidade de 16.348,20 euros, e o definitivo que reflexa a cantidade de 18.306,44 euros. ¿Supoñemos que o Sr Barcia terá coñecemento disto?.
3º.-A denuncia que vimos de facer pública dende o PSdG-PSOE de Burela non ten absolutamente nada que ver con eses informes ós que nos referimos, o Sr. Barcia tenta unha vez máis desviar a atención. Pero si que é verdade que se pediron estes informes ante as sospeitas de que se estaban a cometer irregularidades con respecto a estes contratos de suministro, xa vimos denunciando as prácticas escuras e pouco claras que se están a utilizar dende o equipo de “desgoberno” do Partido Popular de Burela tanto en contratacións, obras e suministro.
4º.- A nosa denuncia vai na liña de que a Sra. Durán, como se establece na Lei de Réxime Xurídico das Administracións Públicas e do Procedemento Administrativo Común, que no seu artigo 28.2.b) onde expón claramente que “se abstendrá de intervenir en el procedimiento cuando tengan parentesco de consanguinidad dentro del cuarto grado..” a Sra. Durán non pode participar na aprobación destes gastos ó tratarse dun familiar directo o beneficiado destas contratacións. O Sr Barcia di que Sra. Durán non participou nestas contratacións, minte unha vez máis, nós temos no noso poder, porque foron solicitadas, 26 facturas avaladas e asinadas pola Sra. Durán no ano 2012. Xa que o Sr Barcia se empeña en dicir que isto non é verdade teremos que solicitar as de 2011, que as de 2011 non foron solicitadas, para comprobar se estes xeitos de actuar son as habituais deste equipo de “desgoberno”, que por outra parte, temos claro de que así é, neste caso e noutros que xa temos denunciado con anterioridade.
5º.- O Sr. Barcia di que nos reta a que presentemos unha reprobación á Sra. Durán, e dende o PSdG-PSOE de Burela agradecemos o ofrecemento, e imos a valorar esta posibilidade. Pero si non lle importa ó Sr. Barcia, esta decisión vai a tomala o PSdG-PSOE de Burela e non vai a ser el o que nos diga o que temos ou non temos que facer con respecto a este asunto. O único que esperamos é, que si non ten pensado abrirlle o expediente disciplinario á Sra. Durán polas irregularidades feitas, só lle queda pedirlle a súa dimisión e propoñer a súa substitución, en caso de non facelo farémolo a el persoalmente responsable da situación, como marca a lei. E el mesmo como máximo responsable da Corporación terá que asumir as responsabilidades que se deriven destes graves feitos.
Por último temos que manifestar sen ningún tipo de dúbidas, á vista destes feitos e de outros que xa temos denunciado, que estamos ante o peor goberno de Burela e incluímos a época en que aínda pertenciamos a Cervo, da historia tanto en xestión coma en uso dos cartos de todos os veciños e veciñas de Burela.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
