A Fundación ao Impulso, Deporte e Cultura na Mariña abordará a formación no fútbol sala no III Encontro do Deporte Base esta semana, cunha dobre sesión do segundo seleccionador e adestrador de porteiros do combinado de Kuwait, Carlos Corona Suárez.
O mércores, o técnico centrará o seu relatorio na confección da programación en categorías de base, no IES Monte Castelo de Burela; o xoves combinará a teoría da análise estatística dun equipo de elite, no antedito centro educativo, coa práctica de exercicios de mellora en gardametas de base, no pavillón Vista Alegre. O Encontro está destinado a monitores de fútbol sala e demais público interesado na formación deportiva de base.
Carlos Corona Suárez (Madrid, 1977), na selección kuwaití dende 2012, exerceu como analista de vídeos nas diferentes categorías da Vermella na tempada 2011-12. Como adestrador posúe experiencia no Pinto FS (2007-09), en Prata e Honra, AD Collado Villalba, de Prata (2009-10), e Gestesa Guadalajara, en Honra (2010-11).
Mércores 12 de xuño
16.00 horas: Programación dunha tempada en categorías de base dun club deportivo
IES Monte Castelo
Xoves 13 de xuño
16.00 horas: Exemplo de análise estatística e vídeo dun equipo de elite
IES Monte Castelo
17.30 horas: Exercicios, mellora e análise dos porteiros en categorías de base
Pavillón Vista Alegre
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
