A deputada socialista lucense Concepción Burgo vén de rexistrar novas iniciativas no Parlamento galego para arrincar “unha resposta seria” por parte da Xunta con respecto á dotación dos edificios do antigo Hospital Xeral no barrio lucense da Residencia. Burgo lembra que leva tres anos tratando de acadar un compromiso na Cámara, e esta vez esixirá “que digan a verdade e aclaren dunha vez se van abandoar os edificios ou, do contrario, que dean prazos firmes” porque, di, “xa non valen máis excusas despois de tres anos de promesas e paripés do PP” que “enganou á veciñanza e afundiu o barrio da Residencia”.
Burgo lamenta asimesmo as recentes declaracións do director xeral de asistencia sanitaria, Félix Rubial, declarara que “agora non toca” falar dos edificios. “Como poden dicir que agora non toca, cando Feijóo, Pilar Farjas, Raquel Arias ou Jaime Castiñeira levan meses vendendo o seu compromiso, tamén en campaña electoral, mentindo e incluso levando iniciativas ao Parlamento sobre este tema?”, pregúntase a socialista, “é que a súa palabra non vale nada?”.
A deputada destaca que o Goberno galego nunca lle deixou ver o suposto estudo de viabilidade que descartaba a posibilidade de habilitar unha residencia nos edificios do Xeral, pese a que o solicitou varias veces polo artigo 9. Ademais, lembra “os continuos paripés do PP”, que “xa prometeu que habilitaría un PAC, un centro de saúde e un laboratorio de referencia; despois o laboratorio desapareceu; posteriormente anunciaron ata unha comisaría de policía e a última promesa, ratificada polos responsables provinciais e autonómicos, foi un centro de saúde mental”. Ante esta situación, a única conclusión é que o Goberno galego “enganou á veciñanza e afundiu o barrio da Residencia, que se desangra co abandono dunhas instalación vitais para recuperar a actividade”. Burgo amosou o seu apoio ás manifestacións e protestas dos veciños, que volverán a mobilizarse este xoves.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
