O Presidente da Deputación, José Ramón Gómez Besteiro, acompañado polo Alcalde de Trabada, José Manuel Yanes, asinou hoxe o contrato para a construción da residencia e centro de día público neste municipio. Logo de esperar case 1 ano a que a Xunta lle concedese o informe favorable a este proxecto –requisito legal imprescindible-, a institución iniciará agora estes traballos no prazo dun mes, fomentando o benestar social, creando emprego e combatendo o despoboamento demográfico.
O organismo provincial inviste na residencia e centro de día público de Trabada 1,2 millóns de euros mentres que o Concello achega 400.000 euros, os servizos urbanísticos e os terreos necesarios.
Estas instalacións sociais afincaranse no centro da localidade trabadense co obxectivo de dinamizar os negocios da zona. As prazas residenciais e as dos centros de día distribuiranse segundo as necesidades dos veciños de Trabada. Para elo, no proxecto figuran 24 habitacións, con posibilidade de que sexan dobres. É dicir, podería habilitarse 48 prazas residencias. Neste caso, diminuirían as prazas nos centros de día. Non obstante, a Deputación definirá isto en función das demandas, tendo en conta que, segundo os expertos, hoxe son moitos os maiores que non queren abandonar as súas casas e prefiren ser atendidos nun centro durante o día para durmir nos seus fogares.
A construción deste centro para a terceira idade supón a creación duns 20 novos postos de emprego. Por exemplo, os de coidadores sociais, médicos, ATS, así como administrativos, cociñeiros ou persoal de limpeza, é dicir, todo o persoal necesario para o funcionamento destas instalacións. Hai que ter en conta que, segundo as directrices da Lei de Servizos Sociais de Galicia, é obrigatorio contratar a un mínimo de coidadores por número de prazas, así como 1 médico e 1 ATS que presten atención ás 24 horas.
Máis residencias e centros de día públicos
Xunto ás de Trabada, a Deputación tamén iniciará nas vindeiras semanas as obras de construción da residencia e centro de día pública de Castroverde logo de contratar estas actuacións a semana pasada. Estes traballos engádense ós da Fonsagrada, onde o organismo provincial executa as obras do centro para a terceira idade deste municipio. Proximamente, a institución adxudicará tamén os proxectos de Pol e Pedrafita do Cebreiro para, a continuación, contratar os de Navia de Suarna e Ribas de Sil. Trátanse dos proxecto que teñen o visto e prace da Xunta de Galicia e que forman parte da 1º fase do plan de implantación de residencias e centros de día públicos na provincia. O feito de que a Deputación desenvolva en solitario esta programación con 15 millóns de euros logo de que a Xunta rexeitase colaborar, ofrecendo prazas concertadas que, pola contra, si concede a centros privados, impide, polo de agora, á institución luguesa realizar o 100% do seu plan. Sen embargo, a Deputación non renuncia a el polo que irá incorporando cantidades orzamentaria para seguir avanzando.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
