Ribadeo, 18 de xuño de 2013. O alcalde, Fernando Suárez, coma portavoz da comisión pro-residencia de maiores para Ribadeo, criticou o desaire que lles está a facer a conselleira de Traballo e Benestar, Beatriz Mato, “xa que levamos dous meses agardando para poder reunirnos de novo con ela e facerlle chegar a nosa postura”. Estes días a comisión dirixiulle un escrito á conselleira demandando a colaboración económica da Xunta para que Ribadeo poida contar con esta infraestrutura, unha vez que a Deputación de Lugo xa se comprometeu a ser unha peza fundamental para que este proxecto se converta nunha realidade.
Suárez Barcia asegura que a comisión e o Concello de Ribadeo seguirán a traballar e a realizar máis actuacións para eliminar todos os obstáculos que poidan xurdir e subliña o compromiso de todos os grupos políticos da Corporación Municipal e das asociacións veciñais.
O rexedor deu conta coma portavoz da comisión “desta última xuntanza que mantivemos onte todos os representantes dos grupos da Corporación Municipal e tamén das asociacións de veciños, que estamos traballando unidos desde hai moito tempo para conseguir unha residencia de maiores en Ribadeo, preferentemente para os veciños e veciñas ribadenses e con prezos adaptados ás posibilidades económicas das xentes de Ribadeo”.
Suárez Barcia relatou que “foi unha xuntanza máis, pero acordamos entre todos facer público un desaire que nos están facendo desde a Xunta de Galicia, concretamente a conselleira de Traballo e Benestar. Se facemos memoria, hai meses que tivéramos un encontro con ela onde nos ofrecera unha proposta, sobre a que temos o argumento adoptado e a nosa posición fixada. Querémoslle facer chegar o noso compromiso. Temos pedido, desde hai máis ou menos dous meses, unha entrevista que nunca chega, que nunca se dá”.
O alcalde de Ribadeo e portavoz da comisión pro-residencia de maiores contou que “hai poucos días enviámoslle unha carta amable pero dura dicíndolle que non pode ser que a Deputación Provincial de Lugo, a través do seu vicepresidente, nos confirmara verbalmente e onte, nunha nova xuntanza que mantivo con nós aquí en Ribadeo, mantivo o compromiso de que a Deputación de Lugo será unha peza fundamental no financiamento dunha residencia en Ribadeo, pero precisa que quen ten as competencias lexítimas para iso, que é a Xunta de Galicia, tamén se molle. Desde logo polo Concello tampouco vai quedar sen que poña a súa parte correspondente de financiamento, sacándoa de onde poidamos, pero que non sexa a escusa a capacidade económica do Concello”.
Fernando Suárez indicou que “ata agora desde a Xunta ninguén nos dixo a máis mínima consideración polo que desde o Concello seguimos traballando e proximamente haberá máis actuacións ao respecto. Continuamos para eliminar calquera escollo posible, calquera obstáculo que poida haber desde o punto de vista municipal ou urbanístico para poder facer realidade unha residencia que veña a dar máis prazas que as que Ribadeo ten actualmente. Vivímolo día a día porque moita xente quere pasar os últimos momentos da súa vida en Ribadeo, pero as posibilidades da residencia municipal que temos actualmente son moi limitadas, porque ten 45 prazas, e moitas veces a oferta que o Goberno galego destina é en sitios moi distantes de Ribadeo e dos familiares para que poidan ver con regularidade a esa xente maior. Polo tanto hoxe, máis que nunca, faise necesaria unha nova residencia en Ribadeo”.
O rexedor ribadense destacou “o compromiso de todos os grupos da Corporación Municipal, independentemente da cor política, así como tamén o dos representantes das asociacións de veciños, que estamos todos unidos traballando nisto. Eu sobre o único que teño que posicionarme dunha maneira triste e crítica é coa actitude que está tendo a Xunta de Galicia con Ribadeo. A Deputación Provincial estao facendo o mellor que pode e eu o único que lle quero transmitir á cidadanía é que seguiremos traballando para que a pesares da falta de compromiso da Xunta Ribadeo poida contar cunha nova residencia para persoas maiores. Seguiremos removendo ceo e terra e traballaremos contra vento e marea para que esa instalación sexa unha realidade”.
Na carta remitida á conselleira de Traballo e Benestar desde a comisión explícanlle, entre outras cousas, que “os cálculos económicos que os técnicos municipais teñen elaborado superan un chisco os dous millóns de euros, polo que, para unha solución exitosa desta situación, entendemos que a súa Consellería debería aportar cando menos un 40 por cento desa cantidade, sufragando o resto a Deputación Provincial e o Concello de Ribadeo, este último nunha parte menor, debido ás limitadas posibilidades económicas”. E insisten en solicitarlle unha vez máis “unha xuntanza sen máis demora para abordar todas estas cuestións”.
Os Bombeiros de Vilalba excarceraron ao condutor ferido que quedou atrapado no interior do vehículo. O 112 Galicia tivo constancia do accidente ás 16:20 horas desta tarde. Un particular informaba a esa hora dun coche envorcado na LU-P 6501, quilómetro 40 en Rioaveso, ao seu paso por Cospeito (Lugo). Indicaba que no interior do vehículo había unha persoa ferida, consciente pero que non podía saír. Con estes datos, os xestores do 112 pasaron aviso ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e ao persoal de mantemento da vía.Unha vez no punto, os Bombeiros confirmaron a excarceración do ferido para posteriormente ser trasladado polo persoal do Servizo de Urxencias Sanitarias de Galicia-061.
Trátasde dun grupo coñecido pola súa posta en escena humorística e teatral, que combina música tradicional con estética de taberna e espírito festivo. O evento celebrarase o 22 de maio ás 23:00 horas na Rúa do Cobo nº 18, cun prezo de entrada de 5 euros. As persoas asistentes están convidadas a traer instrumentos para sumarse á foliada. A actividade conta con presenza en Facebook, Instagram e TikTok, onde se pode seguir a programación e novidades do espazo.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.