Unha vez chegada a época estival e a subida das temperaturas na que moitos veciños e veciñas de Burela se animan máis a facer actividade física e practican máis deporte, dende o PSdG-PSOE de Burela temos que denunciar o estado no que se atopan as pistas de tenis da Marosa.
Nestes últimos días un bo número de veciños e veciñas que practican o tenis nas pistas da Marosa veñen de darnos as queixas do mal estado en que se encontran estas pistas, solicitando que o Concello se poña de unha vez as pilas e as arranxe ante as dificultades que presentan na actualidade. Cabe recordar que para poder usar estas instalacións hai que pasar por caixa e aboar a taxa municipal que o “desgoberno” do Partido Popular de Burela decidiu no seu día aplicar para o uso de estas instalacións, entra logo dentro da lóxica, esixir que estas instalacións estean en bo estado de uso.
Outra das queixas que nos trasladan os usuarios destas instalacións é o sistema de reserva das pistas, xa que se ten dado o caso no que algún dos usuarios, e despois de facer a reserva pertinente, se atopa que ó ir a recoller a chave das pistas ás dependencias municipais non hai chave para abrir as pistas.
Estes feitos demostran unha vez máis a falla total e absoluta de interese por parte do equipo de “desgoberno” do Partido Popular polo deporte, a non ser para sacar a foto, e non con todos, xa que temos que recordar que ó equipo de baloncesto feminino do Baloncesto Burela que logrou o ascenso de categoría non foi nin recibido por parte do Concello ó igual que se fixo con outros equipos que conseguiron éxitos deportivos, entendemos que sería porque non habería tanta foto na que saír. E dicir, se non conseguimos auto bombo nada de nada. Dito isto, esiximos que se tomen cartas no asunto e se solucionen as deficiencias denunciadas, e mentres non se solucionen estas deficiencias non se cobren as taxas. Dende o PSdG-PSOE de Burela pedimos ós responsables do Partido Popular de Burela que se deixen de tanto viaxe e excursións que non lle solucionan absolutamente nada ós veciños e veciñas de Burela, nada máis que gasto, e se centren en solucionar o día a día dos nosos veciños e veciñas e en solucionar os problemas que temos no pobo.
Comisión Executiva PSdG-PSOE Burela
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
