Por segundo ano consecutivo, un integrante da Asociación Mariña Jazz accede ao Musikene (Centro Superior de Música do País Vasco) en Donostia-San Sebastián. O ano pasado foi o burelés Bruno Valle (trombón de jazz), e, este ano, o burelés Mario Arranz (contrabaixo de jazz). O Musikene está considerado como un dos mellores centros superiores de música de España, sobre todo na especialidade de jazz, debido ao seu prestixio e reputación.
Durante as probas de selección, Mario foi acompañado polos bureleses Bruno Valle (trombón), Israel Arranz (vibráfono) (tamén integrantes da Asociación Mariña Jazz) e o sevillano Aarón Castrillo (batería) na parte do exame de combo (onde se examina ao aspirante sobre o seu nivel para tocar en grupo e amosar as súas habilidades e dotes para exercer de “bandleader”, é dicir, liderar a agrupación).
Mario Arranz comeza os primeiros pasos no xénero do jazz da man do saxofonista Roberto Bouça e do vibrafonista Israel Arranz, preparándoo este último para as probas do Musikene. Durante a súa formación pasa pola “Burela Blues Band”, o centro compostelán de jazz e música moderna “Estudio, escola de música” e o “Seminario de Jazz e Música Moderna de Burela”. Ademais, Mario Arranz é o baixista de “AMAJAZZ Big Band” e o grupo burelés de latin-jazz fussion “Marosa Jazz Project”, gañador do Premio do Público, a nivel de toda España, no “I Concurso de Maquetas Musicales Jazz Fussion 2011”. Ten actuado en varios e numerosos eventos musicais como o “VII Festival de Jazz de Vigo”, “I Festival de Jazz de Oleiros”, “Seminario de Jazz e Música Moderna de Burela”…
Dende a Asociación Mariña Jazz queremos felicitar a Mario Arranz e transmitir publicamente, a todas e todos as veciñas e veciños da Mariña lucense, a nosa enorme satisfacción por esta nova, un feito máis que demostra o bo ambiente e nivel jazzístico e de música moderna que se está a vivir na comarca de A Mariña lucense, grazas, sobre todo, pola existencia de eventos como o Seminario de Jazz e Música Moderna de Burela.
Na fotografía (de esq. a der.): Mario Arranz, Bruno Valle e Israel Arranz en Donostia-San Sebastián, tras saír do examen de combo de Mario.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
