Ribadeo, 9 de xullo de 2013. A Asociación de Profesores de Automoción de Galicia (APAGA) presentou este mediodía en Ribadeo o libro electrónico El sonido en el automóvil, que foi creado polo colectivo e que puxo á venda en www.apaga.es.
Dito libro xa foi empregado hai unhas semanas para impartir un curso on line, o primeiro dunha serie planificada e dirixida a alumnos, profesores e profesionais relacionados co mundo da automoción e da electromecánica de vehículos. APAGA tamén organizará cursos de idiomas exclusivos para membros da asociación que participen en proxectos europeos.
Desde APAGA Isidro Berdeal explicou que “este é un libro electrónico e a diferenza en relación co convencional en formato papel é que aquí podemos introducir audios, vídeos, imaxes… entón amplía as posibilidades dun libro convencional. A navegación é moi sinxela, é bastante intuitivo e é moi similar ó que podería ser unha páxina web. Permítenos acceder directamente ós vídeos, permítenos reproducir a formato completo ou a media pantalla ou como nosoutros teñamos determinado. Desde un vídeo poderíamos lanzar enlaces a páxinas web, a un vídeo que estivese colgado en youtube, calquera coa aplicación que se nos ocorra poderíamos lanzala. Igual que iso podemos incluso crear un dicionario. Moitas veces ocorre que cando estamos lendo un libro, e máis cando se trata dun libro técnico, xorden dubidas, non sabemos o que significa unha palabra ou unha determinada expresión dentro dunha frase. Por exemplo, se nos aparecen unhas siglas, nosoutros podemos volcar un significado, unha tradución ou un resume do que significan esas siglas ou unha palabra simplemente”.
Desde APAGA sinalan que “é un medio máis ou unha axuda máis fronte ó que nos ofrecería normalmente un libro convencional en formato papel. A extensión do libro podemos facela das páxinas que queiramos. A gran vantaxe é que o sistema que utilizamos é un editor de libros electrónicos en concreto, que se denomina MTO, e que comprime con medios propios e que un libro de ao mellor 600 ou 700 páxinas con vídeos, audios, imaxes, etc, cabería practicamente nun CD, cousa que ata agora era impensable e tiñamos que recorrer sempre a un DVD ou a elementos que digamos son máis complicados”.
O presidente de APAGA, Álvaro Doural, indicou que “aquela xente que estea interesada en poder adquirir este material pode contactar con nosoutros a través da nosa web, no apartado de contactos, aberto para calquera tipo de comentario e nós nos poñémonos en contacto con el. Esta información non está colgada na web de APAGA, pero si se van a colocar unha serie de temáticas que se poñerán para a xente que queira adquirir calquera tipo de publicación de isto”.
Doural e Berdeal destacaron que “se trata da primeira publicación electrónica que está rematada e que xa se pode comprarse. Aborda o son no automóbil. Parte dun nivel moi básico explicando o que sería o son, os conceptos físicos ata despois loxicamente distintos tipos de radios, distintos tipos de aparatos en xeral, instalacións. É un tema moi interesante, normalmente se ten de lado xa que todo o mundo instala, pero hai unha serie de conceptos que é necesario ter claros á hora de comprar un equipo, un amplificador, un reprodutor… hoxe en día o reprodutor xa non ten moito sentido tendo o teléfono móbil co que podes, a través dun conector, conectarte directamente a un amplificador”.
APAGA oferta o libro xa feito, “temos unha colaboración por parte da empresa que comercializa ese editor de libros electrónicos e a través da asociación tamén se podería tramitar a compra dese posible editor para quen o quixera adquirir. Está en estudio o poder facer un curso on line do editor. Unha vantaxe que ten este sistema, polo menos a nivel docente, é que todos os materiais que tes feitos xa como vídeos ou powerpoints podelo meter aí. Non tes que tirar co que tes, se non que o podes incorporar aí. Entonces está previsto que posiblemente en setembro ou outubro, antes de finalizar o ano se poida facer un curso on line de editor. Ese curso, a nosa idea é ofertalo cun paquete completo: a docencia e o editor. É dicir, que a persoa que queira traballar neste sistema vai ter unha licenza e o curso de formación, porque dar o curso sen ter o editor non ten moito sentido. Vaise sacar a un prezo moi axeitado”.
O prezo do libro El sonido en el automóvil rondará os 30 euros e poderase adquirir a través da web www.apaga.es, contactando con eles. “A persoa que adquira o libro pode utilizalo, pero non modificalo”, engadiron.
A presentación deste libro electrónico é unha actividade paralela ao II Forum de Innovación y Formación de Vehículos que se desenvolverá en Ribadeo do 28 ao 30 de agosto. Na rolda de prensa celebrada este mediodía nas instalacións do hotel O Cabazo tamén estivo o tesoureiro de APAGA, Francisco Javier Rodríguez.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
