A primeira edición dos “Cadernos do Mar” péchase este xoves 18 ás 7 e media da tarde cunha conferencia do historiador e escritor Bernardo Máiz, quen nos falará das embarcacións tradicionais dende o Arco Ártabro ata Ribadeo. Esta charla é un pequeno resumo dun traballo moito máis grande levado a cabo despois de varios anos de traballo do poñente xunto con Enrique Freire. Dito traballo concretouse tamén nunha exposición que, desgraciadamente e por cuestións económicas e técnicas, non foi posibel traer para estas Xornadas, máis o bo falar de Bernardo Máiz, así coma as fotos e entrevistas a carpinteiros de ribeira e outras persoas que se proxectaran durante o acto, darán conta do bo facer do noso invitado, ó tempo que nos amosaran unha parte da nosa riqueza cultural e técnica, neste caso a das varias embarcacións tradicionais existentes, así coma a forma de facelas, achegándonos e chamándonos a atención sobre a dificultade dun oficio en perigo de extinción: o dos carpinteiros de ribeira.
Derradeiro acto dos “Cadernos do Mar”
Relacionado
-
Máis de 30 nenos e nenas participaron nas sesións de ioga organizadas polo Concello de Cervo dentro do programa estival Enredando no verán
-
O martes 1 de setembro, ás 20:30 horas, celebrarase no Teatro de Ribadeo o concerto solidario Música de Cine, organizado a beneficio da Asociación Española contra o Cancro
-
O Concello de Cervo mantén aberto ata o 1 de setembro o prazo de inscrición para o programa municipal de madrugadores, desenvolvido en colaboración coas ANPAs do CEIP Península da Paz e do CEIP de Cervo, co obxectivo de facilitar a conciliación das familias ao inicio da xornada escolar
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
