Venancio fixo dobrete como finalista no II Torneo Acisa de Pádel entre participantes de toda A Mariña e o occidente asturiano

Ribadeo, 17 de xullo de 2013. Tras un mes de competición, o pasado venres finalizou o II Torneo de Pádel patrocinado por ACISA e celebrado no Club de Tenis Ribadeo. Nunha tarde pouco veraniega as catro parellas batéronse o cobre duramente para decidir os campións desta edición que contou con participantes de toda A Mariña e o occidente asturiano.

Unha vez finalizada a fase de grupos, onde quedaron encadradas as 21 parellas masculinas e as 9 mixtas, pasaron as primeiras de cada grupo ó cadro final, que deparou enfrontamentos moi igualados e vistosos para o público que acudiu a presenciar a disputa dos partidos máis interesantes.

No cadro mixto as semifinais quedaron conformadas polo enfrontamento entre Sierra e Marta contra Venancio e Gemma pola parte baixa, saíndo victoriosa a segunda parella, que houbo de exprimir a fondo todo o seu pádel no definitivo set, sendo o tanteo final 6-4/7-5. O mesmo ocurriu na parte alta do cadro no encontro que xogaron Claudia e Eliseo contra Mónica e Ángel, o primeiro set foi un suspiro o que levou á parella focense a relaxarse en demasía e a sufrir para levarse o partido por 6-0/7-6 (4). A vitoria na modalide de mixtos foise para a localidade veciña de Foz, tras impoñerse Claudia e Eliseo a Venancio e Mónica (Gemma ausente por lesión) por 6-4/6-2.

En canto ós rapaces, se ben as parellas clasificadas eran as esperadas, a sorpresa dérona Sierra e Luis Sieiro ó desfacerse en cuartos da parella focense formada por Otero e Paleo nun partido duro a tres sets onde as dúas parellas se empregaron a fondo e a paciencia dos ribadenses deu os seus froitos no terceiro e definitivo set. Á postre a confianza conseguida con esta importante vitoria serviulles para alcanzar a final, se ben, a parella Venancio e Diego Rey non deron facilidades e saíron desde o rincipio a pola vitoria desprgando un xogo directo e contundente que desarbolou á novel parella cedendo por un 6-0/6-1.

Ó rematar a disputa das finais procedeuse á entrega de trofeos, con David Feijo e Roberto Ramos en representación de ACISA.