Burela, 18 de xullo de 2013. O alcalde de Burela, José María González Barcia, acudiu este xoves pola mañá á Xunta en Santiago xunto ao concelleiro de Urbanismo, Manuel Fernández Valle, a entregar a documentación para que a Secretaría Xeral de Avaliación e Calidade Ambiental elabore a memoria ambiental do PXOM. O rexedor agarda aprobar definitivamente o plan cara finais de ano, si todos os prazos se van cumprindo segundo o previsto.
Segundo González Barcia, “este é, por así dicilo, o antepenúltimo paso para a aprobación definitiva do documento. Levamos uns dous anos de intenso traballo para elaborar o plan xeral de ordenación municipal e hoxe se pode dicir que entramos na recta final. A partires de agora a Xunta de Galicia, a través da Secretaría Xeral de Avaliación e Calidade Ambiental, debe de elaborar a memoria ambiental e de sostibilidade do noso plan xeral de ordenación municipal. Esa memoria debe despois publicarse no Diario Oficial de Galicia, e posteriormente o Concello de Burela xa poderá aprobar provisionalmente o plan. A partir de aí, evidentemente logo despois de ser aprobado o plan con carácter provisional, é cando hai que envialo de novo á Xunta, neste caso á Secretaría Xeral de Urbanismo, para a súa aprobación definitiva”.
O edil popular recoñece que “é moi aventurado dar prazos porque en calquera momento, como levo dito xa en tantas ocasións, pode haber calquera tipo de atranco, non creo que sexa este o caso porque ten habido xa reunións abondas coa Xunta a distintos niveles. Por un lado, coa propia Secretaría Xeral de Avaliación e Calidade Ambiental e por outro lado, coa propia Secretaría Xeral de Urbanismo e con outros departamentos que están implicados na emisión de informes. Polo tanto, eu estimo que vamos a estar nos prazos que nosoutros marcamos xa hai tempo. É posible que a finais do presente ano poidamos ter o plan aprobado definitivamente. A partires de aquí, nosoutros vamos a estar en permanente contacto, como non podía ser doutro xeito, tanto co equipo redactor como coa propia Secretaría Xeral de Avaliación e Calidade ambiental por se houbese que corrixir algún tipo de documentación ou houbese que emendala”.
O alcalde burelés agradece “o traballo e a colaboración tanto do equipo redactor como da propia Xunta de Galicia, xa que encontramos en tódalas reunións que se mantiveron con ela unha receptividade a verdade que fora do común, é dicir, sempre orientando, buscando solucións fáciles e facilitándonos o traballo ó equipo de goberno. Polo tanto, agora queda estar pendentes de se hai que enviar ou completar algunha documentación e vamos esperar a que a Xunta de Galicia cumpra o prazo que ten para a emisión desta memoria ambiental e poder aprobar o plan provisionalmente que xa sería, por así dicilo, o penúltimo paso para que Burela conte cun documento que poida garantir o desenvolvemento do noso Concello de forma harmónica e de forma incluso tamén con seguridade xurídica, que deso se trata”.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
