A vicevoceira provincial socialista, Pilar García Porto, deu conta este venres da celebración esta mesma mañá da comisión de valoración das subvencións do Plan de Comunidades Veciñais para 2013, na que participaron todos os grupos políticos con representación na corporación provincial, e na que se acordaron as axudas que a Deputación concede este ano, e mediante esta iniciativa, a melloras nas prestacións públicas no rural. García Porto adiantou que foron aprobadas un total de 243 subvencións, para colectivos dos 67 Concellos da provincia, dotadas de 2 millóns de euros, financiados ó 100% polo organismo provincial. “Polo tanto, asumimos os custes de 243 pequenas obras, aforrando cartos ás arcas municipais, xa que de non ser por este Plan os Concellos terían que financialas”.
A Deputada avanzou que destas actuacións o 40% consisten no acondicionamento de vías e accesos rurais, preto do 20% en melloras de locais socias, un 15% no arranxo de traídas e captacións de agua, mentres que un 10% serán dotacións de espazos verdes. O vindeiro venres, a Xunta de Goberno Provincial ratificará o Plan de Subvencións de Comunidades Veciñais para 2013 para, a continuación, facelo público, ó acceso de todos os cidadáns.
Máis de 100.000 euros de aforro
Máis de 100.000 euros de aforro na factura enerxética ós primeiros 9 Concellos ós que se dota de 3.550 novos compoñentes para reducir os gastos pola luz. É o resultados das 3 contratación de material enerxético levadas a cabo pola Deputación ata o de agora. A última, foi aprobada na Xunta de Goberno deste venres. Trátase da adquisión de 1.050 compoñentes para o alumeado público e as Casas Consistorias de Pedrafita, Negueira de Muñiz e Barreiros, cos que se acadará un aforro anual na factura eléctrica destes Concellos de 31.467 euros. A institución adica a esta contratación 64.159 euros, financiados nun 80% por fondos europeos. García Porto destacou que “esta é a terceira adxudicación conxunta de equipamento enerxético que realizamos logo de contratar outros 2.500 compoñentes para Abadín, A Fonsagrada, O Incio, Cervantes, Pol e Samos, cos que reduciremos os gastos enerxéticos destes municipios en 76.000 euros ó ano. É dicir, sumamos xa un aforro de máis de 100.000 euros ós primeiros 9 Concellos onde instalaremos gratis novo material enerxético para reducir as súas facturas”.
Esta actuación é unha nova medida de cooperación cos municipios que a Deputación ofreceu a todos os Concellos da provincia e que, de xeito voluntario, aceptaron 37 municipios lugueses do chamado Club dos Renovables. Este proxecto, a custe cero para os Concellos grazas ós fondos europeos do Lug02, consta de 2 partes: unha primeira, xa completada, que consistiu na realización de auditorías nestes 37 municipios para determinar en que puntos, e con que equipamentos, se pode reducir o consumo enerxético en dependencias municipais. Asumindo o custe das auditorías, a Deputación aforrou 10.000 euros a cada entidade local, que é o prezo destes traballos no mercado, sumando un primeiro aforro de 370.000 euros ás entidades locais. A segunda fase consiste na dotación dos compoñentes de eficiencia enerxética que as auditorías determinan para rebaixar o gasto eléctrico. “É dicir, os Concellos adheridos ó plan da Deputación benefícianse de tres grandes vantaxes: aforran o gasto das auditorías; aforran o gasto dos equipamentos técnicos; e conseguen importantes aforros económicos na súa factura eléctrica”, destacou García Porto.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
