Ribadeo, 24 de xullo de 2013. Este mércores 24 de xullo izouse a bandeira azul do porto deportivo de Ribadeo, conseguida un ano máis xunto coa Q de Calidade.
O presidente do Real Club Náutico ribadense, Ramón Acuña, sinalou que “para o Club Náutico é un orgullo conseguir un novo ano máis os dous galardóns, tanto a Q de Calidade coma a Bandeira Azul. O noso desexo é que continuemos así durante estes tres anos que veñen por diante e eu confío que, co esforzo e o traballo de todos, o Club Náutico de Ribadeo vaia cada día a máis e poidamos o ano que ven volver a estar xuntos izando estes novos galardóns”.
No acto de izado, que se desenvolveou no porto deportivo de Ribadeo, tamén estivo o alcalde, Fernando Suárez Barcia, que deu a súa noraboa “á directiva do Club Náutico de Ribadeo por ter conseguido outro ano máis a bandeira azul, unha das poucas bandeiras azuis dos clubs náuticos que hai en toda Galicia e, ó mesmo tempo, unha máis para Ribadeo, que se ven sumar á das Catedrais, á dos Castros-Illas, á de Esteiro e, o que é moi importante para Ribadeo e tamén para o Club Náutico, é que ademais temos un sendeiro azul que pasa precisamente por aquí, dende a Illa Pancha ata as Azeas e que é o segundo ano que o temos e que é un reclamo turístico de primeiro nivel”.
Suárez Barcia reflexionou sobre a importancia destes símbolos, que “teñen unha repercusión mediática moi importante porque nos obrigan a todas aquelas institucións que as pedimos a estar alerta en determinadas cuestións de seguridade, de limpeza, de medio ambiente, etc. Polo tanto, os meus parabéns para todos vos sabendo que isto é unha responsabilidade para seguir manténdoa, pero creo que Ribadeo ben merece este esforzo”.
Ó porto deportivo de Ribadeo acudiron, entre outros, varios membros da directiva de ACISA: Roberto Rivas e Mar Torviso; a patroa maior da Cofradía de Pescadores, Celia Pacio; representantes dos partidos políticos locais e a xunta directiva do Real Club Náutico de Ribadeo.
Afectarán aos seguintes servizos: Piscina: pechada. Duchas dos vestiarios: pechadas. Ximnasio e actividades en seco: abertos no horario habitual. O Concello agradece a comprensión da cidadanía.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
Será na Igrexa de Santa María ás 20:30 h. Debido ao aforo limitado e ao cumprimento da normativa vixente, editaranse entradas que se repartirán no acceso da igrexa o propio día do concerto, onde tamén se realizará o control de acceso.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
