Lourenzá, 30 de xullo de 2013. Unha avogada experta en temas forestais explicará ós propietarios do monte pro indiviso das Louseiras, en Canedo, como acceder ao diñeiro que a empresa Red Eléctrica pagará polo paso da liña Boimente-Pesoz. A xuntanza será o día 9 de agosto, venres, ás 21:00 horas.
O pasado 22 de xullo tivo lugar unha charla informativa sobre a liña eléctrica Boimente-Pesoz ó seu paso polo concello de Lourenzá, na que moitos veciños se deron conta de que eran propietarios dun monte pro indiviso no lugar de Canedo. Como sinala a alcaldesa, Emma Álvarez Chao, “daquela reunión sacamos a conclusión de que para poder acceder ó diñeiro que Red Eléctrica pagará pola expropiación dese terreo terían que, se como todo apunta é un monte de varas, constituírse como tal. Por este motivo, quedamos por parte do Concello en traer a algún experto para que nos falase do tema e estará con nós o vindeiro día 9 de agosto, venres, ás 21:00 horas Pilar Orol, que é unha avogada experta en temas forestais, polo que nos parece a persoa idónea”.
Para que teña a máxima difusión posible, explica a rexedora, “vamos colgar na páxina web do Concello un listado cos 145 propietarios que o eran no ano 1926, cando se fixo esta partición vía xudicial, para que todas aquelas persoas que estean interesados en saber se son descendentes de algún deses propietarios poidan mirar se os seus antepasados figuran nesa relación de nomes”. Así, espera que o venres 9 de agosto haxa o maior número posible de veciños que sexan propietarios ou teñan unha parte neste monte pro indiviso das Louseiras.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
