Mondoñedo, 31 de xullo de 2013.- O Partido Popular de Mondoñedo critica a xestión do equipo de goberno polo retraso na presentación do cartel do Mercado Medieval considerando “inxustificable” que se presente faltando pouco máis dunha semana para a súa celebración.
Os populares explican que este encontro, que ten lugar anualmente o segundo fin de semana de agosto, é organizado directamente polo equipo de goberno do Concello de Mondoñedo, a quen piden explicacións polo motivo que leva a este retraso e que previsiblemente influirá negativamente no número de visitantes que se acheguen durante esa fin de semana á localidade.
Dende o PP local achácanlle esta situación a falta de planificación e de traballo dun equipo de goberno que unha vez máis “elude as súas responsabilidades”, e cuxa situación irá en detrimento do turismo e polo tanto da actividade económica local.
Os populares explican que este feito non se deriva da falta de orzamento para facerlle fronte a organización do festexo, xa que o 31 de maio de 2013, a Xunta de Goberno da Deputación provincial de Lugo aprobou conceder ao concello de Mondoñedo unha subvención directa, de carácter excepcional, por 77.500 euros, para poñer en valor e aproveitar as potencialidades de Mondoñedo como destino turístico.
Así, os populares explican que esta achega económica sufragaría custos, entre outros, da edición do Mercado Medieval desta anualidade. Feito que demostra que é a falta de compromiso de Orlando González co pobo é a que está a provocar este retraso, que impide dar a coñecer e publicitar con tempo o Mercado Medieval.
En detrimento do turismo
“É inasumible” que unha festa de reclamo como a do Mercado Medieval non estea presentada a data actual e non se coñeza o seu programa, aseguraron os populares ao tempo que explicaron que o seu partido está a traballar en proxectos e alternativas que permitan ser o motor para converter a vila en destino turístico e reactivar a súa economía.
Os populares lamentan a actitude contraditoria do bipartito municipal que anuncia un plan de dinamización turística e participa en xornadas nas que colabora a Xunta de Galicia para estudar o potencial turístico da localidade; porén á hora da verdade e de por en marcha traballos a prol de acadar estes obxectivos “esquécense das súas obrigas” e castigan a Mondoñedo “privando aos veciños de ofrecer unha imaxe de reclamo ao visitante”.
O Mercado Medieval é un atractivo, durante o que inclusive se celebrada o día do turista e que permita á localidade remontarse ao medievo, con postos de artesáns, músicos, malabaristas… que xunto a vestimenta típica da época converte eses días Mondoñedo nun confluír de visitantes.
Asemade, os populares queren agradecer o traballo de todos os implicados e dos todos os participantes que anualmente colaboraron para que este encontro se fose consagrando no tempo e convertendo nun festexo de relevancia a nivel comarcal.
Neste mesmo senso, os populares lembran que o Orlando González chegou a poñer en perigo a celebración das feiras das San Lucas, polo que agardan que o Mercado Medieval non chegue a sufrir este risco.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
