A Vicepresidenta segunda da Deputación, Lara Méndez considera unha “tomadura de pelo” a actuación da Xunta de Galicia na xestión do padroado do conxunto histórico artístico de Sargadelos e nas obras de mantemento que se están a realizar na casa da Administración.
Dende a Deputación critican que ano tras ano a Xunta anuncie que se van acometer obras no lugar sen que se cheguen a executar. Os orzamentos da Xunta levan dende o 2004 recollendo unha partida para esta cuestión, sen embargo o padroado que ten que aceptar as obras, dirixido e presidido pola xunta, non se reuniu ata marzo deste mesmo ano. Para Lara Méndez a tardanza na convocatoria das reunións da conta da desidia da Xunta por comezar as obras. Unha desidia que segundo ela “non teñen os populares para anunciar a bombo e platillo que comezan o que levan anos sen cumprir”
Neste senso, a Vicepresidenta segunda denuncia que nos últimos anos non se convocaron reunións do padroado. Lara Méndez explica que dende que representa á Deputación no padroado só foi convocada nunha ocasión e considera que se a Xunta estivese realmente interesada na posta en valor deste conxunto histórico artístico convocaría o padroado con maior frecuencia, tal e como demandou a Deputación.
A Vicepresidenta Segunda explica tamén que a contía destinada ás obras de mantemento é claramente insuficiente. Nos orzamentos da Xunta no 2004 xa se incluía unha partida para realizar obras de urxencia na Casa da Administración de Sargadelos, unha edificación que se atopa moi deteriorada e precisaba unha rápida actuación. A situación, insiste Lara Méndez, case 10 anos despois é moito peor, polo que os 76.000 euros que se destinan a esta cuestión, non son suficientes. Sen embargo, por parte da Xunta, “parece que se congratulan desta situación porque non teñen reparos en publicitala”.
Falta de información ós membros do padroado
Dende a Deputación acusan á Xunta, organismo responsable de convocar e transmitir información ós membros do padroado, de opacidade na xestión deste órgano. Tras 7 anos sen convocar reunión do padroado, na xuntanza de marzo a Vicepresidenta Segunda solicitou os estatutos de creación do ente e máis documentación sobre o proxecto de obras, información que 6 meses despois aínda non lle foi transmitida. Por este motivo, consideran dende a Deputación que a Xunta descoida as súas funcións e reclaman unha maior atención neste aspecto.
Conxunto histórico artístico de gran valor
No ano 1973 o conxunto de edificios que comprenden a Real Fábrica de cerámica, o pazo de Ibáñez, a Casa da Administración e o Paseo dos Namorados en Sargadelos foron declarados Conxunto Histórico Artístico. Dende aquelas, a Deputación que forma parte do Padroado loitou pola posta en valor deste lugar que é un dos máis fermosos da Mariña. Á beleza arquitectónica e paisaxística do lugar hai que sumarlle as connotacións sociais e culturais que leva asociado o nome de Sargadelos figura clave na historia de Galicia.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
