Últimos días de inscrición no VII Torneo de Basket 3×3

O xoves 15 remata o prazo para apuntarse á VII edición do torneo de basket 3*3 que organiza a Peña Barcelonista San Miguel. Nesta ocasión celebrarase o sábado 17 de agosto a partir das 10.30 h. no pavillón polideportivo do colexio de San Miguel de Reinante. A inscrición é gratuíta e os equipos poden estar compostos tanto por homes como por mulleres. Celebrarase primeiro unha fase de liguiña por grupos, para posteriormente pasar ás eliminatorias directas. Haberá trofeos para os tres primeiros clasificados.
Os interesados en participar poden dirixirse ó teléfono 625 821 044. Para máis información pódese consultar a web http://penhabarcelonistasanmiguel.jimdo.com/actualidad/2013-2014/. A organización anima a todos os interesados en pasar unha mañá de deporte e lecer a que se apunten a este torneo.