A vicevoceira provincial socialista, Pilar García Porto, adiantou este venres que a Deputación ofrecerá en 2014 outras 50 bolsas de formación en Europa para mozos lucenses titulados que se atopen en situación de desemprego e busquen mellorar idiomas, coñecementos e contactos para poder traballar posteriormente en España. A Unión Europea premia deste xeito a boa xestión dos fondos comunitarios que a institución provincial vén levando a cabo neste eido e que leva permitido a máis de 200 mozos adquirir formación e completar os seus coñecementos en empresas de diferentes países europeos para obter un traballo no seu país de orixe.
Outro medio cento de titulados lucenses poderán completar a súa formación en empresas de Austria, Italia, Portugal, República Checa, Reino Unido e Irlanda, entre outros, grazas á esta nova convocatoria. A memoria deste proxecto, cun valor de 230.000 euros –dos cales 153.000 son fondos comunitarios-, foi aprobada hoxe en Xunta de Goberno. Con estas novas bolsas, serán máis de 200 os mozos que en apenas dous anos completaron a súa formación, acorde coas súas titulacións relacionadas con sectores coma a os da agricultura, pesca, silvicultura, protección do medioambiente, turismo, informática, ciencias da vida, innovación ou deseño.
García Porto avanzou que a posta en marcha deste tipo de iniciativas, destinadas a combater o paro xuvenil. Precisamente nos vindeiros meses, comezará a proceso de selección dos 50 mozos que se formarán en Europa coa convocatoria 2013.
Peche de Alimentos Lácteos
García Porto trasladou o pesar e a indignación do goberno provincial ante o peche da planta de Alimentos Lácteos, ubicada en Outeiro de Rei, e ante a que “Núñez Feijóo e o seu equipo de goberno volverán lavar as mans, malia ser directamente responsables da situación das preto de 1.000 familias lucenses que vivían da actividade de Alimentos Lácteos”.
A Deputada subliñou que o peche da planta “é a crónica dunha morte anunciada, provocada pola nula capacidade de xestión da Xunta de Galicia”. Logo de que o executivo autonómico desoíse no 2010 as voces, entre as que estaba a da Deputación de Lugo, que propoñían a que sería “a gran unión do cooperativismo gandeiro galego”, a unión de ata 24 cooperativas nun proxecto que aproveitaba a capacidade total de produción da que era a fábrica máis moderna de Galicia. Finalmente, a Xunta decidiu unilateralmente apostar por “unir 11 cooperativas do seu agrado” atendendo, segundo subliñou García Porto, “a criterios máis ou menos espúreos, entre os que, dende logo, non estaban nin a viabilidade do proxecto nin o interese xeral”.
García Porto destacou que ante a “discriminación continua” que sofre a provincia de Lugo por parte da Xunta de Galicia, na Deputación “seguiremos a traballar para facer do principal motor económico desta provincia un sector punteiro; seguiremos adiante coa construción do 1º centro público de recría, seguiremos adiante na loita de conseguir que os nosos gandeiros cobren polo leite o que realmente vale, con ou sen o apoio da Xunta”
Outros asuntos
Na mesma Xunta de Goberno deuse conta doutros asuntos, coma a comunicación de dúas sentencias firmes a favor da Deputación, coma a que desestima a reclamación responsabilidade patrimonial da Deputación polos danos causados nun vehículo, tras a irrupción dun xabarín na estrada provincial CP-4711, de Pino a Pacios de Veiga, no Concello de Pobra de Brollón, e na que o Xulgado do Contencioso-Administrativo estima que a institución provincial non é, de ningún xeito, responsable dun feito totalmente imprevisible por non ser dita estrada paso habitual de fauna salvaxe.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
