Ribadeo, 20 de agosto de 2013.- O Partido Popular de Ribadeo esíxelle explicacións ao rexedor local, Fernando Suárez, logo de facerse público que un edil do seu goberno forma parte da trama de traballadores liberados ao servizo do BNG que perciben un salario da Deputación pero que prestan labores políticas ao seu partido, no lugar de realizar as funcións propias do seu posto de traballo.
O PP de Ribadeo explica que Vicente Castro é a man dereita do alcalde nacionalista, polo que consideran necesario que o rexedor dea explicacións ao respecto e máis tendo en conta que esta situación, segundo sospeita o propio PP local, pode ser constitutiva dun presunto delito de malversación de fondos públicos, ao estar percibindo un salario sen realizar as funcións polas que foi contratado e sen, sequera, desprazarse ao seu posto de traballo no ente lucense.
Os populares municipais denuncian o abuso de poder do goberno que lidera Fernando Suárez, que está a liberar ao seu servizo un traballador da Deputación Provincial de Lugo e provocando que un empregado provincial en vez de traballar co vicepresidente da Deputación, tal e como se recolle no seu decreto de nomeamento, o faga co alcalde de Ribadeo.
Feito, que segundo o PP de Ribadeo, é notorio e coñecido por todos os veciños, tanto é así que o día a día no edil nacionalista transcorre no Concello mariñán sen pisar a cidade lucense, realizando labores ao servizo do goberno municipal nacionalista. En concreto, o propio PP local explica que calquera veciño da localidade pode avalar esta situación, ata o punto de que se despraza nun coche de titularidade municipal.
Solventar antes os propios problemas
Os populares de Ribadeo consideran que o alcalde nacionalista non está lexitimado para pedir dimisións noutros partidos políticos, tendo en conta que leva anos aproveitándose, conscientemente, dunha situación que pode incluso constituír un delito.
Polo que ante esta situación, o PP de Ribadeo esíxelle a Fernando Suárez que dea a cara e explique esta situación, ao tempo que lle piden que atenda a solventar os seus propios problemas nos que leva reincidindo os últimos anos, antes de atender ás situacións alleas.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
