Santiago, 23 de agosto de 2013.- O voceiro do Mar do Grupo Parlamentario Popular, José Manuel Balseiro, pediu este venres a Bruxelas que recoñeza como flota artesanal aos barcos de baixura galegos que cumpran algún destes dous parámetros: menos de 15 metros de eslora ou que estean menos de 24 horas fóra do porto, isto é, que a súa actividade de pesca diaria no exceda de 24 horas.
Os populares veñen de rexistrar unha proposición non de lei no Parlamento de Galicia para que o Goberno galego dirixa ás autoridades comunitarias esta petición que permitiría ampliar o número de embarcacións galegas que se poderían beneficiar, dun xeito prioritario, das axudas contempladas no novo Fondo Europeo Marítimo e da Pesca (FEMP), para o que a flota artesanal é un dos seus colectivos preferentes.
Os populares explicaron que polo momento Bruxelas tan só recoñece como flota artesanal a aquelas embarcacións de baixura con ata 12 metros de eslora e 15 GT que empreguen artes de pesca selectiva. Esta definición tan restrictiva trae consigo unha importante discriminación para outras moitas embarcacións que en Galicia realizan a mesma actividade e pasan as mesmas horas no mar pero superan eses parámetros.
“En Galicia, hai un importante número de embarcacións que superan estes límites –de entre 12 e 15 metros- pero que tamén forman parte do que poderíamos definir como unha actividade de baixura artesanal” explicou Jose Manuel Balseiro, quen sinalou que o obxectivo dos populares “é que o concepto sexa moito máis amplo e recolla a realidade da flota artesanal e de baixura galega”
O voceiro do Mar do Grupo Popular espera que sexa doado acadar unha posición favorable do conxunto das forzas parlamentarias a esta petición xa que logo reflicte unha demanda “xusta e proporcionada” do sector pesqueiro. Lembra tamén que nesta mesma reivindicación contan como aliados tanto coas autoridades pesqueiras da Xunta como do Ministerio e sinalan que todos esos son factores deben terse en conta á hora de expoñer o positivo desta petición diante das autoridades comuntiarias.
“A unión política e o apoio do sector, xa demostrou a súa capacidade de influencia e serviu para acadar outros avances neste mesmo ámbito” -explicou Balseiro Orol- “como pode ser a modificación da definición de pescador, que inclúe agora as mariscadoras e redeiras, de xeito que se converten en potenciais beneficiarias directas das axudas do FEMP, que antes as excluían”
NOVO FONDO EUROPEO
A Comisión Europea propuxo un novo fondo para as políticas marítima e pesqueira da Unión Europea durante o período 2014-2020: o denominado Fondo Europeo Marítimo e de Pesca (FEMP). Este instrumento financeiro, cuxa proposta inicial de dotación ascende a 5.500 millóns de euros, vén a substituír ao actual Fondo Europeo de Pesca (FEP), entre outros. O fondo nace tamén coa idea de axudar aos profesionais do mar neste proceso de transición e ás comunidades costeiras na diversificación das súas economías.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
