Cualificar a alguén de mala persoa é o peor que se pode dicir do próximo. Sempre me resistín a cualificar a alguén como de mala persoa. Ata preferín tachalos de lerchos, pillos, bribons, rufians, pobres diaños ou calquera outro apelativo, de maior ou menor grado, en función das características e capacidade de facer dano que tivese o suxeito en cuestión. Unha mala persoa pertence a outra orde de magnitude que a do simple malicioso. Quen vive preto dunha ou varias malas persoas sabe do que son capaces porque a súa maldade impídelles ter empatía coa boa xente. Intoxican, maldín, vexan e ningunean ao próximo e non se lles move un pelo. Nin un.
Coñezo a algun espécimen desta calaña de mala persoa; alguén detestable que intimidou aos débiles no seu desespero por impoñerse sen pensar nin remotamente que o seu poder acabaría un día e que da súa persoa só quedarían os rastroxos dun ser humano depreciable. Nese ser humano descubrín o perfil dunha mala persoa en esencia; alguén que non só fai dano en beneficio propio, senón que fai dano polo propio pracer de facelo.
Ante a verdade, unha mala persoa é aquela que non ten reparo en mentir para lograr o que pretende; aquela que non ten apego algún pola verdade, sexa esta a que sexa. É alguén que só cre no dano ao próximo e non na verdade das cousas. Non ten suficiente con mentir, necesita declararse e proclamarse como sincero. Un lobo con pel de cordeiro.
Ante a vida unha mala persoa é aquela que si considera conveniente dispón das condicións que lle permite a debilidade doutro, ou de miles doutros, non se retrae en dispoñer de vidas alleas e morder con rabia. Ante a xustiza, é unha complicación innecesaria que lle sobra e moléstalle e que, en todo caso, utilízaa si benefícialle, pero ignóraa si lle importuna. Ante a liberdade unha mala persoa sufócaa e afoga. É aquela que, confundindo a liberdade cos seus desexos e proxectos, proclámaa pola mañá e restrínxea tarde e noite. Pregoaa nun lugar e négaa noutro, esíxea para uns e négaa para outros. Unha mala persoa non cre na bondade, nin sente respecto algún polo ben dos demais; só pensa no seu. É aquela que non sabendo facer outra cousa inflúe na súa contorna naqueles sobre quen ten ascendencia, alentándolles para que desenvolvan unha estrutura de maldade, e imiten e multipliquen a súa perversidad. É aquela persoa que destrúe, aquela que disgrega e separa por mor de dividir e desunir, aquela que revive resentimentos pasados, e converte calquera creación en putrefacción. Aquela que colabora directa ou remotamente en pervertir a educación con aberraciones ideolóxicas ou de calquera outro tipo, sufocando toda oportunidade dun recto crecemento da persoa. A que proclama a paz pero que busca a guerra; a que no canto de sumar, resta.
Unha mala persoa pode ser aquela que, refuxiándose tras unha mirada de aparente transparencia, esconde o rancor e o odio no sen fondo das súas falsas intencións de lobo estepario. A que, tras unha faciana amable, pode esconder unha retorta hipocresía que só busca o mal. Aquela que os seus aparentes boas formas quédanse só niso, en aparencia e en formas, sen contido de ben.
A bó entendedor…………
Otero Regal.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
