OLLO AO DATO! Recuncho de economía. Velaí unha nova ocorrencia (chamarlle idea é moito chamarlle) da presidenta do Fondo Monetario Internacional: redución salarial dun 10% en dous anos. Ao abeiro dos seus 468.000 euros de soldo (complementos varios aparte), meses despois de ser investigada xudicialmente por amaños financeiros presuntamente ilícitos, outras explosivas declaracións chegan do FIM para aconsellar unhas diminución dos salarios dun 10% en dous anos.
Chove sobre mollado! (como escribiu Rosalía de Castro nun fermoso poema). Un exemplo ben coñecido dos chairego de hai uns meses: o intentos de URBASER dunha reducióndos soldos para os seus empregados no servizo do que é concesionario en Vilalba aínda maior da porcentaxe que citou Christine Lagarde, empeorando ademais outros aspectos da relación laboral (complementos por antigüidade, xornada de traballo, etc).
Onte, en Vilalba. Hoxe, en A Coruña. A mesma empresa, con beneficios multimillonarios, presentou un plan que pasa polo despedimento de máis de vinte persoas empregadas en URBASER, unha forte redución salarial para que as que conserven o emprego e o empeoramentos de varias condicións laborais distintas da económica.
As estatísticas do Instituto Nacional de Estatística sobre avariación do custo laboral son claras: baixou a media dos salarios un 5% en 2012 (tendo en conta a inflación). Non foi abondo para algúns insaciables grandes empresarios, multiexplotadores desde as súas multinacionais?
Perdeu un gran ocasión de quedar calado o comisario de Economía da UE, Olli Rhen, que axiña se sumou ao carro dos defensores da proposta dediminución dos soldos da presidenta do FIM. Se a clave da loita contra a crise económica estivese aí, os Estados que peor estarían en Europa serían Noruega, Suíza, Alemaña, Finlandia, Gran Bretaña e un longo etcétera que teñen salario medio moi por riba do español (e moito máis do galego, que está un 18% por baixo do estatal).
Quedoume unha dúbida na proposta da presidenta do FMI. Os funcionarios do Estado español tivemos, como media,unha redución no último trienio do 24% nos salarios reais (os que teñen en conta a inflación). Vai saírnos “a devolver” o 14% restante?
En Galicia, case sempre por baixo do promedio estatal nos temas económicos (salarios, do importe das pensións, eta.) logramos por unha vez estar nos primeiros postos en algo. Dado que o presidente Feijóo aprobou descontar un 40% as dúas pagas extra dos funcionarios en 2013 (mentres hai conxelación salarial no Estado), perdemos aproximadamente un 30% desde a primeira diminución, a aprobada polo goberno de Zapatero en maio de 2010.
Despois, conxelación salarial en 2011, un 7,2% de diminución en 2012, un 5,8% de rebaixa en Galicia en 2013. E para complemento, recorte de dereitos dos traballadores do sector público: empeoramento das condicións económicasnas baixas laborais, redución dos días de “asuntos propios” e do período vacacional, non reposición dun 90% do persoal público que se xubile, etc.
Nestas andamos. Máis de seis millóns de persoas desempregadas no Estado español, varios millóns que conservaron o seu emprego aceptando rebaixas salariais…e mentres, desde a súa atalaia de 468.000 euros anuais e unha chea de complementos económicos e sociais, a presidenta do FMI pontifica…e un lacaio do goberno da Unión Europea ao que lle pagamos o seu soldo os contribuíntes da UE limítase a dicir: “Si, Wuana”.
Manuel Roca Cendán.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
