Santiago, 27 de agosto de 2013.- O voceiro do Mar do Grupo Parlamentario Popular, José Manuel Balseiro, deu a coñecer este martes en rolda de prensa que os populares galegos pedirán a Bruxelas un aumento da cota de captura para a pescada do norte a aplicar nesta mesma campaña, no ano 2013.
Balseiro explicou que os populares veñen de rexistrar unha iniciativa -proposición non de lei- no Parlamento galego a través da que buscan trasladar esta petición á Comisión Europea, aos deputados das forzas parlamentarias galegas con representación na Eurocámara e ao Ministerio de Agricultura, Alimentación e Medio Ambiente, solicitude que formulan en consideración coa probada recuperación deste recurso nos caladoiros do norte.
“Existen datos obxectivos que demostran que o stock de pescada do norte está en moi boas condicións, desde o punto de vista da súa abundancia e para ser obxecto dun maior aproveitamento pesqueiro, xa que logo estaríamos acadando o que se coñece como Rendemento Máximo Sostible”- dixo Balseiro- “un concepto que recoñece as posibilidades de captura óptimas que poden extraerse desta poboación sen poñer en perigo a súa capacidade de rexeneración”.
A FLOTA GALEGA: A GRAN BENEFICIADA
Precisamente a abundancia deste recurso, a principal especie de interese comercial para a flota galega, xustifica -en opinión dos populares- a revisión da cota asignada a España nesta mesma anualidade na que se autorizou ao desembarco de 15.540 toneladas.
O portavoz do Mar do Grupo Popular explicou que de acollerse a súa petición, que conta co aval de múltiples informes científicos, estaría a beneficiarse dun xeito especial a Galicia xa que a nosa comunidade sirve de porto base a un bo número de embarcacións que desenvolven o seu traballo nos caladoiros de Gran Sol, Escocia e augas francesas do Golfo de Biscaia.
De feito, Balseiro explicou que son 87 embarcacións das flotas galegas de arrastre e palangre de fondo con permiso para faenar en augas da UE as que obterían un incremento das súas posibilidades de pesca de xeito inminente, xa na presente campaña
XA NO ANO 2013
“O bo estado do stock da pescada do norte, permite revisar as reparticións que se fixeron en 2013, sen ter por que agardar ao Consello de Ministros de Pesca da UE que determinará as cotas para 2014”- dixo Balseiro- “quen defendeu a necesidade que Europa sexa sensible e adopte decisións pensando tamén en recoñecer medidas en beneficio directo das posibilidades de pesca dos profesionais do mar, cando estas teñen un fundamento sólido, como é o caso”
Balseiro explicou tamén que tanto a Xunta de Galicia como o propio Ministerio do ramo “xa traballan nesta posibilidade na que contan con importantes aliados como é o Goberno de Irlanda”, petición que en todo caso “quedaría reforzada co apoio do Parlamento de Galicia, e sobre todo, se somos capaces de facelo de xeito unánime, co voto favorable de todas as forzas políticas da Cámara, ás que convido a sumarse a esta petición, que non é so a dun partido político, senón a do conxunto do sector”
PRECEDENTE
Balseiro Orol concluíu sinalando que a petición formulada ten cabida na normativa comunitaria e de feito xa existe un precedente, o acontecido co aumento da cota da lanzón no ano 2010 a petición de Dinamarca. Naquel momento decidiuse un incremento que afectou ao TAC do ano en curso, idéntica petición á que agora formulan os populares.
José Manuel Balseiro estivo acompañado na rolda de prensa polo tamén deputado Angel Camino, o alcalde de Burela, Jose María González Barcia, polo portavoz popular en Viveiro, Antonio Bouaza e do responsable de pesca do PPdeLugo, Jesús Novo. Neste senso salientou que os portos de Celeiro, Burela, A Coruña, Viego e Riberia serán os máis beneficiados por esta proposta que, en todo caso poderá ter repercusión positiva no conxunto do sector e empresas pesqueiras e comercializadoras.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
