A Mariña, 29 de agosto de 2013. O vicerresponsábel do Bloque Nacionalista Galego (BNG) na comarca da Mariña, Xoán Antón Estúa, acusa ao Partido Popular de “mentir sobre a nova Lei de Augas ao respecto da que, durante a campaña das eleccións municipais, prometeu que non suporía un incremento nos recibos.”
O BNG da Mariña alerta da suba “brutal e desproporcionada” que están a padecer os veciños e veciñas da comarca no recibo a consecuencia da aplicación desta normativa que contempla dous novos tributos: o canon da auga e o coeficiente de vertido, “coa única intención de incrementar a recadación”. Segundo Estúa “estanse a cumprir todos os temores que os nacionalistas xa manifestamos durante o debate e posterior aprobación da nova Lei.”
Na páxina web de Augas de Galiza, ademais de toda a información relativa a aplicación do canon da auga, facilítase unha calculadora do canon que sería innecesaria se a nova lexislación non levara parella a modificación do custo dos servizos aos que se refire esta Lei. Neste senso, o vicerresponsábel do BNG na Mariña lamenta que “ningún discurso do Partido Popular coincida logo coa súa acción de goberno. Os dirixentes populares gobernan instalados na mentira tras a que, xunto coa escusa de recortes que segundo eles son esixidos pola situación de crise, se parapetan para aplicar unha axenda centrada na suba de impostos e o desmantelamento dos servizos públicos.”
A Lei de Augas de Galiza establece para uso doméstico en vivendas con contador, un fixo de 0,5 euros ao mes para consumos iguais ao tramo social e de 1,5 euros ao mes para consumos superiores, mais os tramos de consumo varían en función do número de persoas por vivenda o que quere dicir que o tipo de gravame é progresivo.
Tramo de consumo (m³/mes)
Tipo de gravame
Consumo de 0 a 2 * n
0,00 €/m³
Consumo de 2 * n a 4 * n m³/mes
0,28 €/m³
Consumo de 4 * n a 8 * n m³/mes
0,36 €/m³
Consumo superior a 8 *n
0,41 €/m³
Deste xeito, unha vivenda con 3 persoas e un consumo mensual de 15 metros cúbicos pagaría un canon de 4,26 euros ao mes e se na mesma vivenda o consumo fose de 6 metros cúbicos ao mes, pagaría 0,5 euros ao mes e estaría dentro do tramo social. No caso de vivendas baleiras tributan só polo tramo fixo, é dicir, 0,5 euros ao mes; suposto no que se atopan tamén as vivendas de temporada que non superen o tramo social.
En vivendas sen contador, a nova Lei considera que viven 3 persoas e que cada unha consume 151 litros diarios, estimando así que o consumo mensual é de 14 metros cúbicos, o que obrigaría a pagar un canon de 3,90 euros ao mes. Neste tipo de vivendas, se conviven menos de 3 persoas, débese acreditar ante Augas de Galicia, xa que o importe a pagar veríase notablemente reducido, e se a vivenda estivese sen habitar, só se pagaría 0,5 euros ao mes.
Desde o Bloque Nacionalista Galego insisten en que no caso das vivendas do rural, onde a traída é municipal e non se cobra a auga neste momento, págase un canon anual de 46,80 euros, o dobre que en 2012.
Xoán Antón Estúa recomenda aos mariñáns que se informen das bonificacións e exencións existentes, como por familiar numerosa, que reduce o canon ao 50 por cento, ou por usos agrícolas, forestais e gandeiros polos que non se tributan salvo casos de contaminación especial, entre outros supostos.
O Bloque informa, tamén, de que a nova Lei de Augas para usos asimilados aos domésticos non contempla un tramo social, tributándose no tramo fixo do mesmo xeito que os usos domésticos, sendo a cota fixa de 0,5 euros para consumos comprendidos no primeiro tramo e de 1,5 euros si se supera dito tramo máis a cota variábel.
Tramo de consumo
Tipo de gravame
Consumo de 0 a 6 m³/mes
0,28 €/m³
Consumo de 6 a 12 m³/mes
0,28 €/m³
Consumo de 12 a 24 m³/mes
0,36 €/m³
Consumo superior a 24 m³/mes
0,41 €/m³
En vivendas e explotacións agrícolas ou gandeiras con un só contador, tamén se considera que na vivenda viven 3 persoas, en caso contrario é importante acreditalo, e que cada unha consume 151 litros diarios o que establece un canon de 3,90 euros ao mes, atribuíndo o resto do consumo á explotación agrícola ou gandeira.
No suposto de vivendas e locais comerciais cun só contador, e tendo en conta que podería ser un uso asimilado ao doméstico (consumo inferior a 2000 metros cúbicos ao ano), non existe tipo de gravame 0 para a vivenda, tributando o primeiro tramo a 0,28 euros metros cúbico, e tendo en conta que os tramos de consumo son dobres, e dicir, os primeiros 24 metros cúbicos, tributaran a 0,28 euros, e así sucesivamente nos tramos seguintes.
Para o vicerresponsábel da formación nacionalista na comarca da Mariña é “innegábel que a nova Lei de Auga de Galiza obriga aos veciños e veciñas a pagar moito máis polo seu recibo, nalgúns casos até o dobre do que pagaban antes. Por iso pedimos que o dirixentes do Partido Popular que se cansaron de negar o que agora é unha realidade pidan desculpas publicamente por mentir a todos os mariñáns.”
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
