Lugo, 29 de agosto de 2013. Este vindeiro sábado, 31 de agosto, terá lugar no adro da igrexa das Rodrigas, en Riotorto, a representación teatral “Auto do Entroido”, unha peza do actor e dramaturgo mariñao Manuel Lourenzo. A representación será a cargo do grupo de actores e actrices afeccionados que seguiron o curso de posta en escena que impartiu en Riotorto os sábados 3, 10, 17, 24 e 31 a actriz Rosalía Quelle Castro e que tamén é a encargada de dirixir e adaptar a peza teatral.
Dentro das accións formativas de Buxiganga, dirixidas a actores e actrices afeccionados, ademais deste curso que culmina o sábado en Riotorto, tamén se impartirán outros dous cursos máis: o Cine Teatro de Ribadeo acollerá un curso de Clown, impartido por Marián Bañobre, do 16 ao 21 de setembro, de 20:30 a 23:30 horas, agás o sábado 21, que se desenvolverá en horario de mañá de 9.00 a 14.00 horas; e a Casa da Xuventude de Mondoñedo acollerá as Prácticas de cine, da man de Óliver Laxe, os días 8 e 9 de novembro, de 17.00 a 22.00 horas, e o 10 de novembro durante todo o día.
Inscrición para o curso de Clown
Desde a Área de Cultura e Turismo da Deputación de Lugo quérese informar de que aínda existen prazas para o curso de Clown que Marían Bañobre impartirá en Ribadeo, ao cal se poden apuntar todas persoas que o desexen. Ten unha duración de 20 horas e un custe de 20 euros, cun prezo reducido de 10 euros para aquelas persoas que estean dentro dun grupo de teatro que participe no proxecto Buxiganga. A folla de inscrición está dispoñíbel tanto na web da Vicepresidencia como na de Buxiganga (http://buxiganga.lugomove.org) no apartado de “Formación”., podendo contactar con nós no 982260141 para que vola envíen por enderezo electrónico ou ben pasando a recollela presencialmente na Área de Cultura da Deputación no Pazo de San Marcos de Lugo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
